လကို ဖောက်မယ့် နဂါးဦးခေါင်းကြယ်နဲ့ နှစ်ငါးသောင်းမှ တကြိမ်တွေ့ရမယ့် ကြယ်တံခွန်အကြောင်း

လကို ကြယ်​ဖောက်မည်၊ ကြယ်တံခွန်​ပေါ်မည်၊ ၂၀၂၃ ခုနှစ် ဇန်နဝါရီလ ၁၈ ရက် နံနက်ခင်း (၁၇ ည) မှာ​တော့ ဗြိစ္ဆာ ရာသီ (Scorpius) အတွင်းက Delta Scorpii (Dschubba) ကြယ်ကို ပြာသိုလဆုတ်လခြမ်းက ဖုံးကွယ်သွားပြီး လကို ကြယ်​ဖောက်ခြင်းဖြစ်စဉ် ​ပေါ်​ပေါက်မှာဖြစ်သလို မြန်မာနိုင်ငံ​​ပေါ်မှာလည်း အရိပ်ကျ​ရောက်မှာ ဖြစ်ပါတယ်။

မြန်မာ့နက္ခတ်မှာ​တော့ အဆိုပါကြယ်ကို နဂါးဦး​ခေါင်း (အနုရာဓ နက္ခတ်) လို့ ​ခေါ်ဆိုကြပါတယ်။ အနုရာဓ က နဂါးဦး​ခေါင်း​နေရာဖြစ်ပြီး၊ ​ဇေဌ နက္ခတ်က နဂါးအသည်းနှလုံး၊ မှုလ (မူလ) နက္ခတ်က နဂါးအမြီး စသည်ဖြင့် စု​ပေါင်းပြီး ကြယ်နဂါးလို့ သတ်မှတ်ထားပါတယ်။ အ​နောက်တိုင်းနက္ခတ်မှာ​တော့ ကင်းမြီး​ကောက်ပုံစံ Scorpio ကြယ်စု (တနည်း) ဗြိစ္ဆာရာသီ အတွင်းက ကြယ်စုများဖြစ်ပါတယ်။

အနုရာဓ နက္ခတ် လကိုစဖြတ်ချိန် (တနည်း) ​ပျောက်ကွယ်ချိန် (Disapperance) ဟာ ၁၈ ရက်​နေ့ နံနက် ၂ နာရီ ၅၁ မိနစ်ဖြစ်ပြီး အ​ရှေ့​တောင်အရပ် မိုးကုတ်စက်ဝိုင်းအထက် ၁ ဒီဂရီ အမြင့်​လောက်မှာပဲ လရဲ့ လင်း​နေတဲ့ အခြမ်းဘက်က​နေ ကပ်ဝင်သွားမှာ ဖြစ်လို့ မြင်နိုင်ဖို့ အင်မတန်ခက်ခဲနိုင်ပါတယ်။

အဆိုပါ နက္ခတ် (ကြယ်) ဟာ နံနက် ၃ နာရီ ၄၉ မိနစ်မှာ အ​ရှေ့​တောင်အရပ် မိုးကုတ်စက်ဝိုင်းရဲ့ ၁၃.၅ ဒီဂရီ အမြင့်က​နေ လအရဲ့ ​မှောင်​နေ​သောအခြမ်းဘက်မှ (Reappearance) ပြန်လည်ထွက်​ပေါ်လာမှာ ဖြစ်ပါတယ်။ ထိုကဲ့သို့ လအား ကြယ်ဖောက်ခြင်းဖြစ်စဉ်ကို မြင်​တွေ့နိုင်ရမှာ မြန်မာအပါအဝင် အ​ရှေ့​တောင်အာရှ နိုင်ငံအချို့သာ ရှိပါတယ်။

နောက်ထပ် ထူးခြားဖြစ်စဉ် တစ်ခုက​တော့ C/2022 E3 (ZTF) လို့ အမှတ်စဉ်ပေးထားတဲ့ ကြယ်တံခွန်တစ်ခုဟာ ​နေနှင့် အနီးဆုံး​လမ်း​ကြောင်းမှ ကပ်ပြီး ဖြတ်သန်းမှာ ဖြစ်တဲ့အတွက် အ​မှောင်​အား​ကောင်းတဲ့ ​နေရာမှကြည့်လျှင် သာမန်မျက်စိနဲ့ မြင်​တွေ့ရနိုင်​လောက်ပါတယ်။ တယ်လီစကုတ်၊ ကင်မရာတို့နှင့် ကြည့်နိုင်လျှင်​တော့ ဖုန်မှုန့်အမြီးတန်းကိုပါ မြင်​တွေ့ရနိုင်ပါတယ်။

၂၀၂၃ ​ဖေ​ဖော်ဝါရီလ ၁ ရက်​နေ့ဟာ အ​ကောင်းဆုံးမြင်​တွေ့ရနိုင်မည့်ရက်ဖြစ်ပြီး ယခုရက်ပိုင်းကစလို့ အ​ရှေ့​မြောက်ဘက် မိုး​ကောင်းကင်မှာ ည ၁နာရီခွဲ​လောက်မှစပြီး နံနက်ခင်း ​နေမထွက်မီ အချိန်ထိ တရိပ်ရိပ် မြင့်တက်လာတာကို ​လေ့လာကြည့်ရှုနိုင်ပါတယ်။

ကြယ်တံခွန်ဟာ လက်ရှိအချိန်ထိ Corona Borealis လို့​ခေါ်တဲ့ ဝိသာခါ နက္ခတ်အတွင်းမှာ တည်ရှိ​နေပြီး၊ ​နောက်ရက်များကစလို့ Bootes လို့​ခေါ်တဲ့ သွာတိ နက္ခတ်သို့ ကူးပြောင်း​ရောက်ရှိ​တော့မှာ ဖြစ်ပါတယ်။

၄င်း​နောက်မှာ​တော့ တင်းတာရာ (Draco)၊ ​ကြေးမှုံတာရာ (Ursa Minor) နဲ့ ​မြောက်ဓူဝံကြယ်အနီးသို့ တဖြည်းဖြည်းချင်း တက်​ရောက်သွားမှာဖြစ်သလို မြင်​တွေ့ရမည့် အချိန်​တွေကလည်း ​ရှေ့သို့ တဖြည်းဖြည်း တိုးသွားမှာ ဖြစ်ပါတယ်။

ဒီကြယ်တံခွန်ကို ၂၀၂၂ ခု မတ်လ ၂ ရက်​နေ့ကမှာ ရှာ​ဖွေ​တွေ့ရှိခဲ့တာဖြစ်ပြီး ​နေကိုဗဟိုပြုပြီးလှည့်ပါတ်​နေတဲ့ သူ့လမ်း​ကြောင်းဟာ နှစ် ၅၀၀၀၀ ခန့် ကြာမြင့်မယ်လို့ ခန့်မှန်းရပါတယ်။ အနာဂတ်ပညာ​ရေးအတွက် သန့်ဦး (အာကာသနှင့် စကြဝဠာ သင်​ထောက်ကူ)

Leave a Reply

Your email address will not be published. Required fields are marked *

x

You cannot copy content of this page