နှစ်သစ်ကူးည သီးသန့် ညမထွက်ရအမိန့် ပယ်ဖျက်ခြင်းရဲ့ နောက်ကွယ်က အကြောင်းရင်း

နှစ်သစ်ကူးည တညတည်းအတွက် ညမထွက်ရအမိန့် ပုဒ်မ ၁၄၄ ညမထွက်ရအမိန့်ကို ပယ်ဖျက်ဆိုင်းငံ့ လိုက်ကြောင်း ရန်ကုန်တိုင်းဒေသကြီးအစိုးရအဖွဲ့ က ယနေ့ ဒီဇင်ဘာလ ၂၉ ရက်တွင် ထုတ်ပြန်လိုက်တာ ဖြစ်ပါတယ်။

အဆိုပါ ထုတ်ပြန်ချက်မှာ စကစ လက်အောက်ခံ ရန်ကုန်တိုင်းဒေသကြီးအစိုးရအဖွဲ့အနေဖြင့် ရန်ကုန်မြို့၊ ပြည်သူ့ရင်ပြင်နေရာမှာ နိုင်ငံတကာနှစ်သစ်ကူးပွဲတော်ကို စည်ကားသိုက်မြိုက်စွာ ကျင်းပပြုလုပ်ရန် စီစဉ်ထားရှိရာ နှစ်သစ်ကူးပွဲတော် ကျင်းပမယ့် ဒီဇင်ဘာလ ၃၁ ရက်ညမှာ မီးရှူးမီးပန်းများ ပစ်ဖောက်ခြင်းနှင့် စတိတ်ရှိုးပွဲများနဲ့ စည်ကားသိုက်မြိုက်စွာ ကျင်းပသွားမည်မှာ ဖြစ်တာကြောင့်လို့ ပါရှိပါတယ်။

ထိုကြောင့် ဒီဇင်ဘာလ ၃၁ ရက် ည သန်းခေါင် ၁၂ နာရီမှ ဇန်နဝါရီလ ၁ ရက် နံနက် ၄ နာရီထိ ရာဇဝတ်ကျင့်ထုံးဥပဒေပုဒ်မ ၁၄၄ အရ ထုတ်ပြန်ခဲ့သည့် ညမထွက်ရအမိန့်ကို ခေတ္တပယ်ဖျက်ခွင့်ပြုသည်ဟု အများပြည်သူ သိရှိစေရန် ထုတ်ပြန်လိုက်တယ်လို့ သိရပါတယ်။

နှစ်သစ်ကူးည သီးသန့်ကို ညမထွက်ရ အမိန့် ပယ်ဖျက်လိုက်တဲ့အတွက် ထူးခြားဖြစ်စဉ် ဖြစ်ကြောင်း၊ တခုခု ဖြစ်မှာကို စိုးရိမ်ရကြောင်း ပြည်သူတွေက ဝေဖန်မှတ်ချက်ပေးလျက် ရှိနေပါတယ်။

ယခင်နှစ်တွေလို မဟုတ်တဲ့အတွက်ကြောင့် ဂရုစိုက်နေရကြောင်း၊ နှစ်သစ်ကူးညမှာလည်း အပြင်ထွက်မှာ မဟုတ်သလို ညနေခင်းထဲက အိမ်ထဲမှာပဲ နေမှာ ဖြစ်ကြောင်း ရန်ကုန်မြို့နေ လူငယ်တဦးက ပြောပြပါတယ်။ စာဖတ်သူတွေအနေနဲ့လည်း နှစ်သစ်ကူးညမှာ အထူးဂရုစိုက် နေကြပါလို့ မှာကြားလိုက်ပါရစေ ခင်ဗျာ။

Leave a Reply

Your email address will not be published. Required fields are marked *

x

You cannot copy content of this page