ကျန်းမာရေးစနစ် ပျက်သုဉ်းသွားတဲ့ မြန်မာပြည်အတွက် နောက်ထပ် ထိုးနှက်ချက် တခု

သိပ်ကို ရက်စက်လွန်းတဲ့ ဆေးတွဲတွေ။ ပြည်သူတွေဟာ ကျပ်တည်းလာကြပါတယ်။ ကျပ်တည်းလာတာနဲ့အတူ အလုပ်ကြမ်းလုပ်ရတဲ့သူတွေဟာ ကိုက်ခဲ ညောင်းညာတဲ့အခါ ဆေးမြီးတိုတွေရှာကြပါတော့တယ်။

ငွေကလည်း မတတ်နိုင်တော့ စျေးသက်သာတဲ့ဆေးတွဲတွေကို ရှာဝယ်ကြပါတော့တယ်။ အောက်ကပုံထဲက ဆေးတတွဲကို သောက်ကြည့်လိုက်ပါ။ ညောင်းညာကိုက်ခဲနေတာတွေက ငါးမိနစ်အတွင်း ယူပစ်သလိုပျောက်သွားပါလိမ့်မယ် (တကယ် ငါးမိနစ်အတွင်းပါ။) နောက်ပြီး စားဝင်မယ်အိပ်ပျော်မယ် လူကလန်းဆန်းနေမယ် အလုပ်ပိုလုပ်နိုင်မယ်။

ဒါပေမယ့် ရေတိုအကျိုးသက်ရောက်မှုအနေနဲ့ (၁) မျက်နှာအမ်းတန်းတန်းဖြစ်မယ်။ (၂) ခေါင်းထိုးမယ်။ (၃) တချို့ ဗိုက်အောင့်မယ်။ ရေရှည်အကျိုးသက်ရောက်မှုအနေနဲ့ (၁) ဗိုက်နာ ကြာရှည်ရာကနေ အစာအိမ်သေွးကြောပေါက် သွေးအန်မယ်။ (၂) ဆီးချို သွေးတိုးဝင်လာမယ်။ (၃) အရိုးပွမယ်။ (၄) လူဝလာမယ် (၅) ဆေးမသောက်ရရင် လူမလန်းဘူး သွေးပေါင်ကျလာမယ်။ (၆) ကျောက်ကပ်ပျက်စီးမယ်။ (၇) အသည်းထိမယ်။

ဘာလို့လဲ ဆိုတော့ ဒီဆေးထုတ်ထဲမှာ ဒီလိုဆိုးကျိုးမျိုးကိုဖြစ်စေနိုင်တဲ့ (၁) Steroid လို့ခေါ်တဲ့ အရောင်ကျဆေး (ဆရာဝန်‌တောင် အရမ်းမပေးရတဲ့ဆေး) နဲ့ (၂) အကိုက်အခဲပျောက်ဆေး သုံးလေးမျိုးကို ရောထည့်ထားလို့ပဲဖြစ်ပါတယ်။

ဒါ ကိုယ့်ပိုက်ဆံ ကိုယ်အကုန်ခံပြီး -တ်‌ေ-နေကြတာပါ။ ခဏတာသက်သာမှုကို ကြည့်ပြီး ရေရှည်မှာ ကုသရခက်တဲ့ ကုလို့မရနိုင်တဲ့ ရောဂါပေါင်းစုံ စွဲကပ်လာနိုင်မယ့် ဒီလိုဆေးမျိုးကိုရှောင်ရှားနိုင်ကြပါစေလို့ မေတ္တာဖြင့်အကြံပြုအပ်ပါတယ်။ (တချို့သော မြန်မာဆေးမှုန့်များဟာလည်း အထက်ပါ ဆေးများကို ထောင်းထည့်ထားတာမျိုးရှိတတ်လို့ သတိနဲ့ယှဉ်သောက်သုံးစေလိုပါတယ်။) Dr. Kaung

Leave a Reply

Your email address will not be published. Required fields are marked *

x

You cannot copy content of this page