ရန်ကုန် တိုက်ခန်းအထပ်မြင့်တွေမှာ နေတဲ့သူတွေ မဖြစ်မနေ လုပ်ဆောင်ရမယ့် လုံခြုံရေးအချက်များ

တိုက်ခန်း အထပ်မြင့်မှာ နေတဲ့ မိတ်ဆွေတွေ ဂရုစိုက်သင့်တာက သူခိုး ဂျပိုး အကြမ်းဖက်သမားအလစ်သုတ်တွေက အိမ်တအိမ်ကို တစ်ခုခုလုပ်တော့မယ်ဆိုရင် ကြိုတင်လေ့လာထားတတ်ကြပါတယ်။

ဥပမာ – ထိုအိမ်မှာ လူဘယ်နှစ်ယောက်ပဲ ရှိတယ်။ တစ်ယောက်ထဲရှိတယ် စသဖြင့်လေ့လာထားတတ်ကြပါတယ်။ လူအတော်များများက အိမ်တံခါးခေါက်ရင် ဘဲလ်တီးရင် ဘယ်သူမှ လက်ရှိမဖွင့်ပေးကြတော့ပါ (ခံရပေါင်းများလို့)

ဒါကြောင့် အကြမ်းဖက်သမား အလစ်သုတ်သမားတွေက လုပ်ကြံရမယ့် အိမ်သားတစ်ယောက်ယောက် လှေကားပေါ်တတ်သွားခဲ့ရင် သူတို့လည်း မယောင်မလည်နဲ့ တပါတည်း လိုက်တက်သွားကြပြီး အခန်းတံခါးသော့လည်း ဖွင့်ရော လုယက်မယ့်သူက အခန်းထဲသူပါ တိုးဝင်လိုက်ပြီး အနုကြမ်းစီးကြပါတော့တယ်။

ဒါကြောင့် မိမိက လှေကားခွင်က တံခါးကိုဖွင့်ရင် ဖြစ်စေ၊ မိမိအိမ်တံခါးကို ဖွင့်သည်ဖြစ်စေ၊ မိမိအိမ်လှေကားမှာ အခြားသူရှိနေလားဆိုတာ သေချာ ဂရုစိုက်ပါ။ အကယ်၍ မသင်္ကာစရာ လူရှိနေရင် ဖြစ်စေ၊ မိမိနဲ့ လှေကားမှာ အခြားတစ်ဦးဦးရှိနေခဲ့ရင် ခေတ္တခဏ စောင့်ကြည့်ပြီးမှ လှေကားပေါ်တက်တာဖြစ်ဖြစ်၊ မိမိအိမ်တံခါးဖွင့်တာဖြစ်ဖြစ် ပြုလုပ်သင့်ပါတယ်။

မိမိ အိမ်ထဲရောက်ခဲ့ရင်လည်း အိမ်တံခါးကို ပထမဆုံးအရင် ပိတ်ဖို့ မမေ့ပါနဲ့ခင်ဗျ (ဒီရက်အတွင်း အဲဒီလို အကွက်တွေ သုံးသွားတာလည်း ကြားမိပါတယ်) မြန်မာပြည်သားအားလုံး အန္တရယ်အပေါင်း ဘေးအပေါင်း ကင်းဝေးကြပါစေ။ (မူရင်းရေးသားသူအား လေးစားမှုဖြင့် – ခရက်ဒစ်)

Leave a Reply

Your email address will not be published. Required fields are marked *

x

You cannot copy content of this page