ကြံကြံဖန်ဖန် ကရင်ပြည်နယ်က လွှတ်လိုက်တဲ့ မီးပုံးပျံ မိုင်ထောင်ချီတဲ့ ဗီယက်နမ်နိုင်ငံမှာ ကျဆင်းခဲ့

ကရင်ပြည်နယ်၊ လှိုင်းဘွဲ့မြို့နယ်ခွဲ၊ ပိုင်ကျုံမြို့က​နေ ကရင်နှစ်သစ်ကူး​နေ့ အထိမ်းအမှတ်အဖြစ် လွှတ်တင်လိုက်တဲ့ မီးပုံးပျံ တစ်ခုဟာ ဗီယက်နမ်နိုင်ငံမှာ ကျဆင်းခဲ့ပါတယ်။

အဆိုပါ မီးပုံးပျံမှာ လွှတ်တင်လိုက်တဲ့ အကြောင်းအရာနဲ့ ပိုင်ရှင်အမည်​တွေကို မြန်မာစာနဲ့​ ရေးသားထားတဲ့ မှတ်တမ်းစာ တစ်​စောင်နဲ့ မြန်မာ​ငွေစက္ကူတချို့လည်း ပါဝင်တာကို ဗီယက်နမ် လူမှုကွန်ယက်စာမျက်နှာ​တွေမှာ ​ဖော်ပြထားပါတယ်။

မီးပုံးပျံဟာ ဗီယက်နမ်နိုင်ငံ​တောင်ပိုင်းရှိ တတိယအကြီးဆုံးမြို့ဖြစ်တဲ့ စီတာဒယ်မြို့အ​ရှေ့ပိုင်းက ဧရိယာ ၁၀ မှာ ကျဆင်းခဲ့တာဖြစ်ပါတယ်။

အဲဒီအဖြစ်အပျက်​ကြောင့် လူ​တွေ စုရုံးလာ​ရောက် ကြည့်ရှုခဲ့ကြပြီး ရဲတပ်ဖွဲ့ကလည်း လာ​ရောက်စစ်​ဆေးခဲ့တာကို လူမှုကွန်ယက်​ပေါ်က ဗီဒီယို​တွေမှာ​တွေ့မြင်ရပါတယ်။

ကရင်ပြည်နယ် လှိုင်းဘွဲ့မြို့က လွှတ်တင်လိုက်တဲ့ မီးပုံးပျံဟာ မိုင်ထောင်ချီဝေးတဲ့ ဗီယက်နမ်နိုင်ငံထဲကို သွားရောက် ကျဆင်းခဲ့တဲ့ အဖြစ်ကတော့ ကြံကြံဖန်ဖန် အဖြစ်အပျက် တခုလို့ပဲ သတ်မှတ်ရပါတော့မယ် ခင်ဗျာ။

Leave a Reply

Your email address will not be published.

x

You cannot copy content of this page