မှတ်ပုံမတင်သည့် ဆင်းကတ် သန်းနဲ့ ချီ၍ ယနေ့ စပိတ် (လက်ရှိကတ်များပါ မှတ်ပုံပြန်တင်ရမည်ဟုဆို)
မြန်မာနိုင်ငံအတွင်းရှိ ဆက်သွယ်ရေးအော်ပရေတာ ၄ ခုမှ မှတ်ပုံမတင်ရသေးသည့် ဆင်းကဒ် အရေအတွက် သန်းနှင့်ချီအား ယနေ့မှ စတင်ပြီးလိုင်းပိတ်လိုက်ပြီးဖြစ်ကြောင်း ဆက်သွယ်ရေးအော်ပရေတာများနှင့် နီးစပ်သူတစ်ဦးထံမှ သိရပါတယ်။
စကစက လက်ရှိမြန်မာပြည်တွင်းအသုံးပြုနေသည့် ဆင်းကဒ်များအား မှတ်ပုံပြန်တင်ခိုင်းရန် ပြင်ဆင်နေသည်ဟု သတင်းများထွက်ပေါ်လာပြီးနောက် ယနေ့နေ့လည်ပိုင်းတွင် စတင်လိုင်းပိတ်လိုက်ခြင်းဖြစ်ကြောင်း မိုဘိုင်ဖုန်း အသုံးပြုသူအချို့ထံမှ သိရပါတယ်။
ဆက်သွယ်ရေးအော်ပရေတာလိုင်းများဖြစ်ကြသည့် အမ်ပီတီ၊ အော်ရီဒူး၊ တယ်လီနောနဲ့ မိုင်တဲ စသည့် အော်ပရေတာများမှ မှတ်ပုံတင်ထားခြင်းမရှိသေးသည့် အသုံးပြုနေဆဲ ဆင်းကဒ်များ အပါအဝင် အရောင်းဆိုင်အများစုမှ ဆင်းကဒ်များအားလုံးကို ယနေ့တွင် လိုင်းပိတ်လိုက်ပြီးဖြစ်ကြောင်း ဆက်သွယ်ရေးအော်ပရေတာများနှင့် နီးစပ်သူ တဦးထံမှ သိရပါတယ်။
စကစက ဆင်းကဒ်အသစ်ဝယ်ယူသုံးစွဲသူများအနေဖြင့် မူလတန်ဖိုး ကျပ် ၁၅၀၀ အပြင် အခွန်အဖြစ် ကျပ် ၂၀၀၀၀ နှင့် အင်တာနက် သုံးစွဲမှုအပေါ် ၁၅ ရာခိုင်နှုန်း အခွန် တိုးမြှင့်ကောက်ခံသွားမည်ဟု သတင်းထုတ်ပြန်ထားပါတယ်။
