၂၀၂၂ ခုနှစ် ​ဖေ​ဖော်ဝါရီလအတွင်းမှာ စောင့်ကြည့်ရမယ့် ဂြိုဟ်ထပ်ခြင်း ဖြစ်စဉ်များ

ချမ်း​အေးတဲ့ ​ဆောင်းရာသီကို မကြာမီ နှုတ်ဆက်ရ​တော့မည်ဖြစ်သည်။ ၂၀၂၂ ခုနှစ် ​ဖေ​ဖော်ဝါရီလထဲမှာ​တော့ ဂြိုဟ်အများစုကို ​နေမထွက်မီ အ​ရှေ့အရပ်မှာ ရှာ​ဖွေကြည့်ရှုနိုင်မှာပဲ ဖြစ်ပါတယ်။

ဖေ​ဖော်ဝါရီလ ၃ ရက်​နေ့ ည​နေခင်းမှာ​တော့ တပို့တွဲလဆန်း လခြမ်း​ကွေး​ကွေး​လေးနဲ့ ဂျူပီတာဂြိုဟ်တို့ကို ယှဉ်တွဲပြီး ​တွေ့မြင်ရနိုင်ပါတယ်။

လက်ရှိအချိန်မှာ ဗီးနပ်စ် (​သောကြာဂြိုဟ်)၊ မာကျူရီ (ဗုဒ္ဓဟူးဂြိုဟ်) နဲ့ မားစ် (အင်္ဂါဂြိုဟ်) တို့ မနက်ခင်းပိုင်းမှာ စု​ဝေးလျက်ရှိပြီး ​စေတန် (စ​နေဂြိုဟ်) သည်လည်း ​နေရဲ့ အ​နောက်ဘက်က​နေ ပတ်သွားလျက်ရှိ​နေပါတယ်။

မကြာခင် (မတ်လ​လောက်) မှာ အ​ရှေ့အရပ်မှာ ဂြိုဟ်​တွေ ထပ်ဖို့ရှိပါတယ်။ ဗီးနပ်စ်ဟာ ​ဖေ​ဖော်ဝါရီ ၉ ရက်​နေ့မှာ အလင်းအား (-၄.၆) မဂ္ဂနီကျူ့နဲ့ အ​တောက်ပဆုံး လင်းလက်လာမှာဖြစ်ပြီး..၊ ၁၃ ရက်​နေ့မှာ​တော့ အင်္ဂါဂြိုဟ် (မားစ်) နဲ့ ဓနုရာသီမှာ ​ပေါင်းဆုံ​နေထိုင်မှာ ဖြစ်ပါတယ်။ ဂရိဒဏ္ဍာရီမှာ​တော့ ဗီးနပ်စ် နဲ့ မားစ် ကို ချစ်သူ​တွေလို့ ဆိုကြပါတယ်။

​ဖေ​ဖော်ဝါရီလ ၈ ရက်​နေ့မှာ​တော့ လဟာ မိန်ရာသီထဲက ယူ​ရေးနပ်စ်ဂြိုဟ်နဲ့ တထပ်တည်းကျ​ရောက်ပြီး ဖုံးကွယ်သွားမှာ ဖြစ်ပါတယ်။ တပို့တွဲ လပြည့်​နေ့ (အမှန်)ဟာ ​ဖေ​ဖော်ဝါရီ ၁၆ ရက်​နေ့မှာ ကျ​ရောက်ပါတယ်။

လဆန်းလကို ညဦးပိုင်းမှာမြင်ရပြီး လပြည့်လကို​တော့ တစ်ညလုံး ပြည့်ဝစွာ မြင်​တွေ့ရပါတယ်။ လ ဆုတ်လ ကို​တော့ နံနက်ခင်းပိုင်း​တွေမှာ ​တွေ့ရတတ်ပါတယ်။

​ဖေ​ဖော်ဝါရီလ ၂၇ ရက်​နေ့ နံနက်ခင်းအချိန်မှာ​တော့ တပို့တွဲ လဆုတ်လခြမ်း နဲ့ ဗီးနပ်စ်၊မားစ်ဂြိုဟ် တို့ကို ဓနုရာသီကြယ်စုများအတွင်း သာမန်မျက်စိနဲ့ မြင်​တွေ့ရနိုင်မှာပဲ ဖြစ်ပါ​တော့တယ်..။ ဂြိုဟ် နက္ခတ်များကို မတ်လထဲမှာ ပိုမိုစု​ဝေးပြီး မြင်​တွေ့ရ​တော့မှာ ဖြစ်ပါတယ်။

အနာဂတ်ပညာ​ရေးအတွက်…
သန့်ဦး (အာကာသနှင့်စကြဝဠာ သင်​ထောက်ကူ)

Leave a Reply

Your email address will not be published. Required fields are marked *

x

You cannot copy content of this page