ယနေ့ ရောင်းဝယ်နေတဲ့ မြန်မာပြည် ရွှေဈေးနှုန်း ပေါက်ဈေးကို သတ်မှတ်ပုံနည်းလမ်း

၁။ ရွှေ​စျေး ဘယ်သူ ဖွင့်တာလဲ၊ ၂။ ရွှေဆိုင်​တွေ ဘာလို့ ​စျေး မတူကြတာလဲ၊ ၃။ သွားဝယ်ရင်၊ သွား​ရောင်းရင် ဘာလို့ ​ကြေညာထားတဲ့ ​စျေးနဲ့ မရတာလဲ။

ခနခန အ​မေးခံရတဲ့ ​မေးခန်း​တွေပါ၊ မနက် ၁၁ နာရီ​လောက်ဆိုရင် ရွှေဘုံသာလမ်းက ရန်ကုန်တိုင်း ​ရွှေကုန်သည်များ အသင်းမှာ အသင်းဝင်​ ကုန်သည်​တွေ၊ ပွဲစား​တွေ ​စုရုံး ​ရောက်ရှိ​နေကြပါပြီ၊ ​ရောင်းချင်သူပါမယ်၊ ဝယ်ချင်သူ ပါမယ်၊ အ​ခြေအ​နေကြည့်ပြီး ကစားမယ့်သူ ပါမယ်၊ ​နောက်ကွယ်က ​ဘောစိကို သတင်းပို့ဖို့ ​စျေး လာနား​ထောင်သူ ပါမယ်၊ အ​ခေါက်​ရွှေ အ​ရောင်းအဝယ် လုပ်တဲ့ ​ရွှေဆိုင်ကြီး​တွေက လွှတ်ထားသူ ပါမယ်၊ အသင်းဝင် မဟုတ်သူ​တွေက​တော့ အသင်းထဲ ဝင်ခွင့် မရှိ​တော့ အသင်းနားက လ္ဘက်ရည်ဆိုင်မှာ၊ အုတ်ခုံမှာ၊ ပလက်​ဖောင်း​မှာ ​ဖုန်း​လေး​တွေ တကိုင်ကိုင်နဲ့ နားစွင့်​နေကြတာ​ပေါ့။

အသင်းထဲမှာ ​မ​နေ့က ပိတ်တဲ့​စျေး၊ ​ဒေါ်လာ​စျေး၊ ကမ္ဘာ့​ရွှေ​စျေး အတက် အကျကို ကြည့်ပြီး ​ရောင်းချင်သူ​တွေကလဲ သူတို့ ​ရောင်းချင်တဲ့​စျေး ​ရောင်းမယ့်အ​ရေအတွက် တပိုင်း၊ နှစ်ပိုင်း၊ တထုပ် ​စသဖြင့် ​​အော်နေကြတယ် (တပိုင်းဆိုတာ တဆယ်သား တထုပ်ဆိုတာ ၁၀ ပိုင်း တပိသာ)

ဝယ်မယ့်သူ​တွေကလဲ သူတို့ ဝယ်ချင်တဲ့​စျေးကို ​​အော်နေကြတယ်၊ တ​ယောက်တ​ပေါက်​ပေါ့၊ အဲ့လို ​​အော်နေရင်းနဲ့ ဝယ်ချင်သူ တ​ယောက်နဲ့ ​ရောင်းချင်သူ တ​ယောက် ​စျေးတည့်သွားရင် အဲဒါ အဲ့ဒီ​နေ့အတွက် ဖွင့်တဲ့ ​စျေးပါပဲ၊
ကျန်တဲ့ ​ရောင်းချင်သူ၊ ဝယ်ချင်သူ​တွေကလဲ သူတို့ ​ရောင်းချင်တဲ့​စျေး၊ ဝယ်ချင်တဲ့​စျေး ဆက် ​အော်​နေကြတာ​ပေါ့၊

ဝယ်ချင်သူ များလာရင် ​ရောင်းမယ့်သူ​တွေက ​စျေးကို တက်​အော်ကြသလို ​ရောင်းချင်သူ များလာရင် ဝယ်မယ့်သူ​တွေက ​စျေးကို ​လျော့ ​အော်ကြတာ​ပေါ့၊ အ​ခြေအ​နေအရ ဝယ်ချင်သူ ​အော်​စျေးနဲ့ ​ရောင်းချင်သူ ​အော်​စျေးဟာ ၅၀၀ က​နေ တ​သောင်းအထိ ကွာ​နေတတ်ပါတယ်။

တခါတရံ ဝယ်ချင်တယ် အော်​သံသာ ကြားရပြီး ​ရောင်းချင်တယ် ​အော်သံ မကြားရရင် အ​ရောင်း ​ပျောက်တယ် ​ခေါ်သလို ​​ရောင်းချင်တဲ့ ​အော်သံသာ ကြားရပြီး ဝယ်ချင်တဲ့ ​အော်သံ မကြားရရင် အဝယ်​ပျောက်တယ်လို့ ​ခေါ်ပါတယ်။

ဘယ်​စျေး အလုပ်ဖြစ်သွားပြီ ဘယ်​စျေး အဝယ်ကျန်တယ် (ဝယ်ချင်သူ ​အော်​နေတဲ့​စျေး)၊ ဘယ်​စျေး အ​ရောင်းကျန်တယ် (​ရောင်းချင်သူ ​အော်​နေတဲ့​စျေး) ဆိုတာကို သိရ​အောင် အ​သင်း အခန်းထဲ ရှိ​နေသူကို ​မေးမှ သိရပါတယ်။

မ​မေးဘဲနဲ့ အွန်လိုင်းက​နေ သိချင်တယ် ဆိုရင်​တော့ အသင်းက စီစီတီဗီကို အင်တာနက်က​နေ Live ထိုင်ကြည့်​နေမှ သိရပါလိမ့်မယ်၊ အွန်လိုင်းမှာ တင်ထားတဲ့ ​စျေး​တွေ၊ ဆိုင်​တွေမှာ တင်ထားတဲ့ ​စျေး​တွေဟာ သူတို့ သိတဲ့အချိန်က ​စျေးသာ ဖြစ်ပြီး လက်ရှိ​စျေး မဟုတ်ပါဘူး၊

ဆရာ​ဇော် (Shwebonthar Gold Class)