ကြက်ဥပူတင်းသည်ဘဘ ကျန်းမာပကတိ ချမ်းသာစွာ ရှိနေ (သတင်းမှားများ ဂရုပြုရန် လိုအပ်)
ယနေ့ နေ့လည်ပိုင်းတုန်းက မီဒီယာသမားတဦး ဖြစ်တဲ့ ဇေယျာမြတ်ခိုင် အကောင့်ကနေ ကိုယ်ပိုင် သီချင်းလေးနဲ့ ရောင်းတဲ့ ကြက်ဥပူတင်းသည်အဘ လုယက်ခံရပြီး ဆုံးသွားပြီ ဆိုတဲ့ သတင်း တက်လာပါတယ်။
သတင်းတက်လာပြီးတဲ့နောက် လူအများအပြားနဲ့ ဆယ်လီအကောင့်တချို့က မျှဝေမှုတွေ ပြုလုပ်ခဲ့ကြတာကြောင့် လူမှုကွန်ရက်မှာ သတင်းပျံ့နှံ့မှု အားကောင်းခဲ့တာကို တွေ့ရပါတယ်။
သတင်း သိရရချင်း ပြည်သူများအနေနဲ့ အံ့ဩဝမ်းနည်း ယူကြုံးမရ ဖြစ်ခဲ့ကြပြီး ရန်ကုန်မြို့က ပြည်သူတွေရဲ့ လုံခြုံရေးအတွက် မေးခွန်းထုတ်မှုတွေ အများအပြား ထွက်ပေါ်လာခဲ့ပါတယ်။
ဒါပေမယ့် အချိန်နဲ့ တပြေးညီဆိုသလို အဘကို ယခင်က ကူညီခဲ့တဲ့ လူရွှင်တော် မိုးစက်က အဘကို တိုက်ရိုက် တွေ့ဆုံခဲ့တဲ့ ဗီဒီယိုကို လွှင့်တင်ခဲ့တာကြောင့် နာရီပိုင်းအတွင်းမှာတင် သတင်းအမှား ဖြစ်ကြောင်း ပြည်သူများ သိရှိခဲ့ပါတယ်။
မူလတင်ထားသူ ဇေယျာမြတ်ခိုင်လည်း ပို့စ်ကို ပြန်ဖြုတ်ချသွားတာကို တွေ့ခဲ့ရပါတယ်။ လက်ရှိအချိန်မှာ သတင်းအမှားများ ပျံ့နှံ့မှု အလွန် ဖြစ်ပေါ်နေတာကြောင့် ပြည်သူများ အနေနဲ့ အထူးဂရုပြုပြီးမှ မျှဝေကြဖို့ တိုက်တွန်းလိုက်ပါရစေ ခင်ဗျာ။ (အဘရဲ့ လက်ရှိပုံတွေကို ဖော်ပြပေးလိုက်ပါတယ်)။
