လကို နေ့ဖက်မှာ မြင်ရတဲ့ အကြောင်းအရင်းနဲ့ အမှန်တကယ် တပို့တွဲ လပြည့်မယ့်နေ့

မြူနှင်းကြားက တပို့တွဲလမင်း

မြန်မာပြက္ခဒိန်မှာ တပို့တွဲလက ​ဖေ​ဖော်ဝါရီ ၁၅ ရက်ဆို​ပေမယ့် တကယ်တမ်း လပြည့်မှာက​တော့ ​ဖေ​ဖော်ဝါရီ ၁၆ ရက်မှာ ဖြစ်ပါတယ်။ ဒီလမင်းကြီးကို အ​နောက်တိုင်းရိုးရာမှာ​တော့ မြူနှင်းလမင်း (Full Snow Moon) လို့ ​ခေါ်ကြပါတယ်။ ဆီးနှင်း​တွေကျဆင်းချိန်မှာ ပြည့်တဲ့ လမင်းကြီးမို့ပါ။

​
ရှေးပုဂံ​ခေတ် ​ကျောက်စာများမှာ တပို့တွဲကို “တပိုင်ထွဲ” ၊ “တပိုင်တွယ်” “တပို့ထွယ်” စသည်ဖြင့်​ရေးဖွဲ့ကြတယ်လို့ ဆိုပါတယ်။ “တပိုဝ်” ဆိုတာ “ထန်းဖူး” ကို ဆိုလိုပြီး “တွဲ” ဆိုသည်ကား အသီးအခိုင်တွဲ​လောင်းကျသည် ဟု အဓိပ္ပါယ်ရပါတယ်။ ထန်းဖူး ထန်းခိုင်တို့ တွဲညွတ်​သော လရာသီ ဖြစ်သည်။

လနှင့်ယှဉ်​သော စန်းယှဉ် နက္ခတ်မှာ မာဃ နက္ခတ် (Regulus ကြယ်) ဖြစ်သည်။ သိဟ်ရာသီ (Leo) ကြယ်စုအတွင်းမှာ ရှိပါတယ်။

အဆင်သင့်လို့ လနှင့်ပတ်သက်​သော ​မေးခွန်းတစ်ခုကို ​ဖြေ​ပေးချင်ပါတယ်။ လကို ​နေ့ဘက်မှာ မြင်ရပါတယ်။ လဆန်းရက်​တွေမှာ ည​နေခင်းပိုင်း မြင်​တွေ့ရတတ်ပြီး.. လဆုတ်ရက်​တွေမှာ နံနက်ခင်းပိုင်း ​တွေ့ရတတ်ပါတယ်။

လဟာ ကမ္ဘာကို ပတ်​နေတယ်ဆို​ပေမဲ့ တစ်ပါတ်ပြည့်ဖို့ ကမ္ဘာရက် ၂၇ ရက် ကြာမြင့်ပါတယ်။ ဆိုလိုတာက​တော့ ကမ္ဘာလည်တဲ့အချိန်ဟာ လ လှည့်ပတ်တဲ့ အချိန်ထက် ပိုမြန်တဲ့အတွက် လ ဟာ ငြိမ်​နေသ​ယောင်ရှိပါတယ်။ လ ​ရွေ့လျားခြင်းကို​တော့.. တစ်ရက်နှင့် တစ်ရက် လ ရှိတဲ့​နေရာ မတူခြင်းဖြင့် သိရှိနိုင်ပါတယ်။ (ပုံ)

လရဲ့ လင်း​နေတဲ့ အစိတ်အပိုင်းဟာ .. ​နေရှိတဲ့အရပ်ကို ညွှန်ပြပါတယ်။ လပြည့်​ညမှာ​တော့ လဟာ ​နေရဲ့ ဆန့်ကျင်ဘက်အရပ်တည့်တည့်မှာရှိတဲ့အတွက် လကို တညလုံး အပြည့်အဝ ​တွေ့မြင်ရနိုင်ပါတယ်။ တပို့တွဲလပြည့်ညမှာ လရှိ​နေမည့် အကွာအ​ဝေးဟာ ကမ္ဘာမှ မိုင်​ပေါင်း ၂၄၂၉၀၀ အကွာမှာဖြစ်ပါတယ်။

ယခုရက်ပိုင်း နံနက်ခင်းပိုင်းမှာ​တော့ ဗီးနပ်စ် (​သောကြာဂြိုဟ်) နဲ့ မားစ် (အင်္ဂါဂြိုဟ်) တို့ကို အတူယှဉ်တွဲပြီး အ​ရှေ့အရပ် ​နေမထွက်မီ အချိန်မှာ တွေ့မြင်ရနိုင်ပါတယ်။

အနာဂတ်ပညာ​ရေးအတွက်
သန့်ဦး (အာကာသနှင့် စကြဝဠာ သင်​ထောက်ကူ)