ယနေ့ခေတ်မှာ ရွှေထက်ရှားနေပြီဖြစ်တဲ့ အပျိုစစ်စစ် ဖက်စိမ်းကွမ်းတောင်ကိုင်အကြောင်း

ယနေ့ခေတ် ပျောက်ဆုံးစပြု နေပြီ ဖြစ်သော အပျို စစ်စစ် ကွမ်းတောင်ကိုင် အကြောင်းကို ဖော်ပြပေးလိုက်ပါတယ်။ ကွမ်းတောင်ကိုင် မိန်းကလေးဟူသည် (၁) အပျိုစစ်စစ် ရည်းစားမရှိသူဖြစ်ရပေမည် (၂) ရွာထဲ ရပ်ကွပ်ထဲတွင် အချောဆုံး အလှဆုံး စာရင်းဝင် ဖြစ်ရပေမည်။

(၃) မိဘနှစ်ပါး စုံလင်စွာဖြင့် သက်ရှိထင်ရှား ရှိရပေမည် (၄) ကိုယ်န္ဓာ မကျိုး မကန်း အကောင်းပကတိဖြင့် ပြည့်စုံရမည်။ (၅) ထိုမိန်းကလေး၏ အမိနှင့် အဖသည် ငယ်လင်ငယ်မယား ဖြစ်ရပေမည် (၆) သတ်မှတ်ထားသော ပညာအရည်အချင်းနှင့်လည်း ပြည့်စုံရပေမည်။

(၇) ပစ္စည်း ဥစ္စာ အတန်အသင့် ရှိရမည်။ (၈) ဆွေမျိုးများ၏ နောက်ကြောင်း ရာဇဝင် ရှင်းရပေမည်။ (၉) ရွာသူရွာသား ရပ်ကွက်သူရပ်ကွက်သားများမှ ထောက်ခံသောသူ ဖြစ်ရမည်။ ရှေးယခင်မှစ၍ ဓလေ့ ထုံးတမ်း အစဉ်အလာအရ ထိုအချက် လက္ခဏာတွေဖြင့် ပြည့်စုံမှ သာလျှင် ထိုမိန်ကလေးသည် ကွမ်းတောင်ကိုင် ဖြစ်ပေလိမ့်မည်။

မိန်းကလေးတစ်ယောက် ကွမ်းတောင်ကိုင်ရဖို့ ဖြစ်ဖို့ဆိုလျှင် ထင်သလောက် မလွယ်ချေ ကွမ်းတောင်ကိုင် မိန်းကလေး၏ နောက်မှ ပန်းတောင်ကိုင် မိန်းမပျိုလေးများ လိုက်ရလေသည်။ ပန်းတောင်ကိုင်သော မိန်ကလေးများသည် သာမန် အပျိုဖော်များသာ ဖြစ်ကြပေသည်။

ယနေ့ခေတ်တွင်တော့ ကွမ်းတောင်ကိုင် စစ်စစ် ရှားပါးလာရုံသာမက အိမ်ထောင်ရှိ မိန်းမများသည်ပင် ကွမ်းတောင်ကိုင် တက်လုပ်နေကြခြင်းကို တွေ့လာရပေသည်။ ကွမ်းတောင် ပြုလုပ်ရာတွင် ငှက်ပျောဖက်စိမ်းနှင့် ကွမ်းရွက် ခုနစ်ရွက်ဖြင့် စီမံထား၍ ယခုခေတ် ကွမ်းတောင်ကိုင်အများစုသည် ဆိုင်မှ အတုများဖြင့်သာ အသုံးပြုလာကြသည်ကို အများစု တွေ့ရှိကြပေလိမ့်မည်။ ဖက်စိမ်းကွမ်းတောင်သည် နတ်ကြီးသဖြင့် မဟုတ်မမှန် ဖက်စိမ်း ကွမ်းတောင်အား ကိုင်ခဲ့လျှင် ရွာခိုက်သည်ဟု ရှေးဘိုးဘွားများ စကားမှတ်သားဖူးခဲ့သည်။ တောင်ပံနီလူလေး(မြန်မာပြည် )

Leave a Reply

Your email address will not be published. Required fields are marked *

x

You cannot copy content of this page