YBS ပေါ်မှာ အသက်ကြီးပြီး အချိန်မစီးပဲ သူများပစ္စည်းအချောင်လိုချင်တဲ့ ခါးပိုက်နှိုက်ဘိုးတော် (၂) ဦး

၂၄-၆-၂၀၂၂ ခုနှစ် နေ့လည် ၁၁ နာရီလောက်က YBS-106 ကျိုက္ကလော့ဘုရားကနေ တံတားဖြူမှတ်တိုင် ကိုစီးလာတာပါ မင်္ဂလာဒုံဈေးမှတ်တိုင်ကနေ ခရီးသည်တွေတက်တော့ အဲ့ဦးလေးနှစ်ယောက်လဲ တက်လာပါတယ်။

ပထမတော့သတိမထားမိဘူးရှင် အရပ်ရှည်တဲ့တစ်ယောက်က ကျမတို့ မိန်းကလေးပဲ ရပ်နေတဲ့ကြားထဲကိုအတင်းတိုးလို့ သတိထားကြည့်မိပါတယ် ခဏလေးနေတော့ ပြန်ဆင်းလာပြီး တံခါးနားမှာ လာရပ်တယ် စကားတွေ ဖောရှောလိုက်ပြောနေတယ် မှတ်တိုင်ရပ်တော့လဲ မဆင်းဘူး။

ခရီးသည်တွေ ဆင်းသွားတော့ တံခါးနားမှာပဲရပ်နေပြန်တယ် ကျမလဲ နည်းနည်းပိုသတိထားကြည့်မိတယ် မှတ်တိုင်ဆင်းဖို့ ထွက်လာတဲ့သူတွေရဲ့ အိတ်တွေကို နှိုက်ပါတယ်။ ဘယ်သူ့ဆီကမှမရပဲ တမှတ်တိုင်မှာ ခရီးသည်တွေဆင်းသွားကြပြန်တယ်။

ပုဆိုးပြာနဲ့လူကပါ တံခါးနားမှာလာရပ်ပြန်တယ် တစ်ယောက်က ကာပေးပြီး ကျန်တစ်ယောက်က အဆင်းခရီးသည်တွေ အိတ်ကို နှိုက်ဖို့ လက်တပြင်ပြင်၊ ကျမကလဲ ခရီးသည်တွေကို ပြူးပြဲကြည့်နေတာ မျက်လုံးချင်းဆုံရင် သတိပေးချင်လို့ ပါသွားမှာစိုးရိမ်နေတာလေ။

ဘယ်သူမှ ကျမကိုမကြည့်ကြဘူး သူ့အာရုံနဲ့သူ ဒါနဲ့ပဲ မှတ်တိုင်တခုရောက်တော့ ခရီးသည်တွေ ဆင်းသွားကြပြန်တယ် အရပ်ရှည်တဲ့လူက ရှေ့နားမှာ မတ်တတ်ရပ်စီးနေတဲ့ ကျောပိုးအိတ်လွယ်ထားတဲ့ အကိုတယောက်နား ကပ်သွားပြန်တယ် ပြီးတော့ပုဆိုးပြာနဲ့လူကို မျက်စပစ်ပြီးခေါ်တယ်။

အိတ်ပိုးတဲ့အကိုက ဆင်းသွားတော့ မရလိုက်ပြန်ဘူး တံခါးပေါက်နားကို နှစ်ယောက်လုံးရောက်လာပြန်တယ် ကျမကလဲ မျက်စိဒေါက်ထောက်ကြည့်နေတော့ ပုဆိုးပြာနဲ့လူက ရိပ်မိသွားတယ်ထင်ပါတယ် ကျမကို မကြာခဏလှည့်ကြည့်တယ် ဆင်းမယ့်ခရီးသည်တွေကို စကားဖောရှောပြောပြီး ကားကမငြိမ်ဘူး အပေါ်တန်းကိုကိုင်ထားလို့ပြောပြီး အိတ်တွေကို စမ်းနှိုက်နှိုက်နေတာ ဆင်းခါနီးညီမလေးတယောက်တယောက်ဆို ပါတော့မလို့ ဒါပေမယ့်မရလိုက်ပါဘူး။

သူတို့က ဆင်းခါနီးခရီးသည်တွေကို ပစ်မှတ်ထားပြီး နှိုက်တာပါ ကျမကြည့်နေတာ သိသွားတော့ ရှစ်မိုင်မှတ်တိုင်မှာဆင်းသွားကြပါတယ်။ လူတိုင်းက အတွေးကိုယ်စီနဲ့မို့ ရှေ့ဆက်ရမယ့် လမ်းကြောင်းကို စဉ်းစားရင်း ဆင်းခါနီးဆို သတိလက်လွတ်ဖြစ်တတ်ကြပါတယ်။

ဘယ်လိုအချိန်မှာပဲ ဖြစ်ဖြစ် သတိထားစေချင်ပါတယ် သူခိုးခါးပါတ်နှိုက်တွေမှာ ဂျိုမပါတာမို့ လူငယ်လေးတွေမှ မဟုတ်ဘူး ခုလိုဆံပင်ဖြူပြီး ဝတ်ထားတဲ့ပုံစံတွေနဲ့မလိုက်အောင် စိတ်ဓာတ်ညံ့ဖျင်းတဲ့ အချောင်သမားလူကြီးတွေလဲ အများကြီးရှိနိူင်ပါတယ် အစစအရာရာသတိထားနိူင်ကြပါစေရှင်။ (Myo Ma Ma Soe)

Leave a Reply

Your email address will not be published.

x

You cannot copy content of this page