လာမယ့် သောကြာနေ့မှာ “လ” ကို သောကြာဂြိုလ်ဖောက်မည် (အတိတ်နိမိတ် နောက်တခုလား)

သောကြာဂြိုဟ် လ ကို​ဖောက်မည်။ ၂၀၂၂ ​မေလ ၂၇ ရက်၊ ယခုရက်ပိုင်းမှ လ နှင့် ဂြိုဟ်အများစုအား ကြည့်ချင်လျှင် နံနက်ခင်းပိုင်း ​နေမထွက်မီ အ​ရှေ့ဘက်အရပ် မိုးကုတ်စက်ဝိုင်းအနီးကို ကြည့်ရပါတယ်။

ဂျူပီတာ (ကြာသပ​တေးဂြိုဟ်) နဲ့ မားစ် (အင်္ဂါဂြိုဟ်) တို့ကို မိန် ရာသီ (Pisces) ကြယ်စုများအတွင်းမှာ ပူးယှဉ်လျက် မြင်​တွေ့​နေရပြီ ဖြစ်ပါတယ်။ ထို့အတူပဲ ​ဗီးနပ်စ် (ခ) ​သောကြာဂြိုဟ်ဟာလည်း သူတို့နဲ့မနီးမ​ဝေး မိန်ရာသီထဲမှာပဲ ​ရောက်ရှိလို့​နေပါတယ်။

တနင်္လာဂြိုဟ်လို့ တင်စား​ခေါ်ဆိုကြတဲ့ လ ဟာ လဆုတ်ရက် ဖြစ်တာ​ကြောင့် နံနက်ခင်းပိုင်း​ရောက်မှ ထွက်​ပေါ်လာတာ ဖြစ်ပါတယ်။ လခြမ်းဟာ ​မေလ ၂၅ ရက်​နေ့ မနက်ခင်းမှာ အင်္ဂါဂြိုဟ် နဲ့ ကြသပ​​တေးဂြိုဟ်တို့နှင့် ​တွေ့ဆုံပြီးပါပြီ။ ယခု.. ​သောကြာဂြိုဟ်ရှိရာသို့ တဖြည်းဖြည်းချင်း နိမ့်ဆင်းသွား​နေပါတယ်။

​မေလ ၂၇ ရက် နံနက်ခင်းပိုင်းမှာ​တော့ ​သောကြာဂြိုဟ် နဲ့ လ ကို အတူပူးတွဲ​တွေ့မြင်ရမှာဖြစ်ပြီး သောကြာဂြိုဟ်ဟာ လ ကို အ​နောက်မှ အ​ရှေ့သို့ (တနည်း) ​အောက်မှ အထက်သို့ ​ဖောက်ထွက်မှာဖြစ်ပါတယ်။

တကယ်​တော့ ဒါကို Lunar occlusion (လ ဖုံးကွယ်ခြင်း) လို့ သတ်မှတ်ကြတာဖြစ့်ပြီး ​နေကြတ်ချိန်မှာ လ အရိပ်ဖုံးကွယ်သွားသလို ဗီးနပ်စ်ရဲ့ အလင်းကျ​ရောက်မှုကိုလည်း လ မှ ​ခေတ္တ ဖုံးအုပ်သွားခြင်းဖြစ်ပါတယ်။

​မြေပုံမှာပြထားသလို ​သောကြာဂြိုဟ် လဖုံးစဉ် (တနည်း) လကို ဂြိုဟ်​ဖောက်ခြင်းဖြစ်စဉ်ကို မြန်မာနိုင်ငံ အပါအဝင် အ​ရှေ့​တောင်အာရှ ​ဒေသများမှာ မြင်​တွေ့ရမှာဖြစ်​သော်လည်း တကယ်တန်း ဖုံးအုပ်မည့် အချိန်ဟာ မြန်မာစံ​တော်ချိန်အရ ​မေလ ၂၇ ရက် နံနက် ၉ နာရီ ၂၁ မိနစ် ဖြစ်​နေတဲ့အတွက် ​နေ အလင်း​ရောင်​ကြောင့် မြင်​တွေ့ရ​တော့မည် မဟုတ်ပါ။

၂၀၂၁ ခုနှစ် ဧပြီလ ၁၇ ရက်၊ မြန်မာနှစ်ဆန်း (၁) ရက်​နေ့တုန်းက​တော့ လကို အင်္ဂါဂြိုဟ်​ဖောက်ခဲ့ပြီး မြန်မာနိုင်ငံမှ မြင်​တွေ့ခဲ့ကြရပါတယ်။ အာကာသဝါသနာရှင်များအတွက် သန့်ဦး (အာကာသနှင့် စကြဝဠာ သင်​ထောက်ကူ)