အင်းဝနိုင်ငံတော်ကြီး ပျက်ကိန်းနဲ့ တထပ်တည်း တူနေတဲ့ လက်ရှိ မြန်မာပြည် အခြေအနေ

အင်းဝပျက်ကိန်းနဲ့ တစ်ထပ်တည်းပါပဲလား။ အင်းဝပြည်ကြီး အလုံးစုံပျက်စီးစေတဲ့ ဖျက်ဆီးခဲ့တဲ့မင်းဟာ ကြာသပတေးမင်း ခေါ် ဟံသာဝတီမင်းပါတဲ့။ ၁၆ နှစ်နဲ့ ဘုရင်ဖြစ်ခဲ့ပြီး ဗေဒင်၊ ယတြာ အလွန်ယုံကြည်တယ်။ အဆောင်လက်ဖွဲ့၊ အထက်လမ်း၊ အောက်လမ်း၊ အစီအရင်၊ ဂါထာ၊ မန္တရားတွေကို ပြုလုပ်စေတယ်၊ ဆောင်ထားတယ်။

အသိပညာဉာဏ်၊ ဆင်ခြင်တုံဉာဏ် အလွန်အမင်း အားနည်းတယ်။ ပညာရှိမှူးမတ်တွေကို -တ်တယ်၊ ဖမ်းတယ်၊ ဖယ်ရှားတယ်၊ လူမိုက်တွေကို မြှောက်စားတယ်။ ဘွဲ့ထူး ဂုဏ်ထူးတွေကို ပေးတယ်။ မိမိကိုယ်ကိုလည်း မတန်မရာ ဘွဲ့ထူး ဂုဏ်ထူးတွေကို သတ်မှတ်အမည်တပ်တယ်။ သူ့ခေတ်မှာ ဆင်းစီး ရွှေထီးဆောင်းပြီး လူဆိုးက ဓါးပြတိုက်တယ်။

သာသနာကိုလည်း ဖျက်တယ်။ ရဟန်းကြီးကြိုက်ဆိုတဲ့ သေရည်အရက်ကိုတောင် ဖန်တီးခဲ့တယ်။ ဂုံးချော ဂုံးတိုက်စကားတွေကို အလွန်ယုံတယ်။ အရပ်လေးမျက်နှာမှာ စစ်ဖြစ်တယ်၊ စစ်မျက်နှာပွင့်တယ်။ စစ်ဗိုလ်၊ စစ်သားတို့ လွန်စွာဖောက်ပြန် ဆင်းရဲခြင်းဖြစ်တယ်။

သူ့ရဲ့အဆိုအမိန့်တစ်ခုက ငါချစ်သူကို ချစ်ရမယ်၊ ငါမုန်းသူကို မုန်းရမယ်၊ ငါနဲ့မတည့်သူဟာ ငါ့ရန်သူပဲတဲ့။ အဲဒီ အာဏာရူးဘုရင်လက်ထက်မှာ အင်းဝပြည်ဟာ အလုံးစုံပျက်စီးသွားတယ်။ အင်းဝထီးနန်းဟာ လုံးဝပျက်သုဉ်းသွားခဲ့တယ်။ ရာဇဝင်မှာ အယုတ်ညံ့ဆုံး၊ အနိမ့်ကျဆုံး၊ ဉာဏ်အနည်းဆုံး မင်းလို့ သတ်မှတ်ကြတယ်။

အခု အင်းဝပျက်ကိန်းဆိုက်နေပြီ။ တစ်ထပ်တည်းနီးပါး တူညီနေတယ်။ လောကနိယာမတရားအရ အဆိုးတရားတွေ ပျက်သုဉ်းပြီးရင်တော့ အကောင်းတရားတွေဟာ မုချရောက်လာမယ်ဆိုတာ မြေကြီးလက်ခတ်မလွဲ ဧဝဧကံ အမှန်တရားပါပဲလို့။ မြန်မာပြည်ကြီး ငြိမ်းချမ်းပါစေသော်… (မူရင်းရေးသားသူအား လေးစားမှုဖြင့် – bkr)