ရန်ကုန်မြို့က အရိုင်းစိုင်းဆုံး တက်စီကားသမားရဲ့ လုပ်ရပ် (ခရီးသည်တွေ ဂရုစိုက်ကြပါ)

ဖြစ်ပုံကတော့ ၁၇-၁-၂၀၂၃ ရက်နေ့ နေ့လည် ၁ နာရီလောက်မှာ အိပ်ဇယ်တာဝါဘေးက ဓမ္မာရုံရှေ့မှာ ဂိတ်ထိုးထားတဲ့ တက်စီကို ငှားခဲ့ပါတယ်။ တက်စီသမားက ဖြူဖြူ ပြည့်ပြည့် အရပ် ၅ပေ ၄လောက် ရှိပါတယ်။ ကားနံပါတ်ကတော့ 4H 3927 ပရိုဘောက်အဖြူပါ။

ကားကို ငှားချိန်မှာ မြေနီကုန်းနားက သုခလမ်းလို့ ပြောငှားပါတယ်။ သူက ၃၀၀၀ လို့ ပြောပါတယ်။ သုခလမ်းဆိုတာ Spirits အနောက်ဘက်မှာပါ။ ဒယ်လီဗာရီတွေ လာလို့ စမ်းချောင်းလို့ ပြောရင် ညစျေးဘက်လို့ ထင်တတ်ကြလို့ ဒီဘက်ကို မြေနီကုန်းလို့ပဲ ပြောပါတယ်။ Spirits ဆိုတာလည်း မြေနီကုန်းပါ ညီမသွားမယ့်နေရာက Spirits နားပါ။

မြေနီကုန်း ဒဂုံစင်တာ။ ဂမုန်းပွင့်နား ရောက်ချိန် ဘယ်လမ်းလဲ မေးပါတယ်။ ညီမက ဟိုဘက်ခြမ်းဆိုတာ ရှင်းပြပါတယ်။ သူက အဲ့တာက စမ်းချောင်း ဒီဘက်က မြေနီကုန်း၊ မြေနီကုန်းဆိုလို့ ၃၀၀၀နဲ့ လိုက်တာ စမ်းချောင်းက ၄၀၀၀ ဆိုပြီး ပြောပါတယ်။

အဲ့တာနဲ့ ညီမက ကားရပ်လိုက်ပါဆိုပြီး ဆင်းဖို့ လုပ်ပါတယ်။ မီးပွိုင့်လွတ်နေတော့ ပြောရင်းဆိုရင်းနဲ့ ပဒုမ္မာပန်းခြံရှေ့ ရပ်ဖို့ သူလုပ်ပါတယ်။ ညီမက မနက်ကလည်း အဲ့ဘက်ကနေပဲ အိပ်ဇယ်တာဝါကို ၃၀၀၀ နဲ့ပဲ ငှားခဲ့တာ ရပ်လိုက်ပါ ဆင်းလိုက်ပါတော့မယ်လို့ ပြောလိုက်တာပါ။

ဒါကို ရပ်မလို လုပ်ပြီးမှ စီးတီးမတ်ဘက်ကို လီဗာတင် မောင်းပါတယ်။ ဒါ အလိုမတူဘဲ ခေါ်သွားတာ ပြန်ပေးဆွဲမှု မြောက်ပါတယ်။ ညီမအစက ထင်တာ မရပ်တော့ စိတ်ပြောင်းလို့များ ဒီဘက်ထိ လိုက်ပို့မလို့လားပေါ့။ ဒါပေမယ့် ပြည်သူ့ရင်ပြင် ဟက်ပီးဇုန်ဘက် ကွေ့လိုက်ချိန် မှားနေပြီလို့ သိလိုက်ပါတယ်။

ဘယ်မောင်းနေတာလဲဆိုတော့ ရွှေဂုံတိုင်မှာ ပြန်ချမယ် ဆိုပြီး ပြောပါတယ်။ လမ်းမှာ တွေ့တာမို့ လမ်းမှာ ပြန်ထားရင် ညီမ အရွဲ့တိုက်ပြီး လိုက်ပါတယ်။ အခုက ရွှေဂုံတိုင်မှာ သူဂိတ်ထိုးထားတာပါ။ ကားပေါ် တက်ကာနီးကတောင် ငါပြန်လာခဲ့မယ်လို့ အဲ့နားက ကားသမားတွေကို ပြောနေတာ ညီမတို့ ကြားပါတယ်။ သူ့လူတွေရှိတဲ့ နေရာကို မိုက်ကြေးခွဲ ခေါ်တာပါ။

အဲ့တာကြောင့် ကားတံခါးကို ဖွင့်ပစ်လိုက်ပါတယ် ဒါလည်း သူမရပ်ပေးပါ။ ဟက်ပီးဇုန်ရှေ့မှာ ရပ်ထားတဲ့ ကားတွေကို သူတံခါးနဲ့ ဝင်တိုက်ပါတယ်။ ကား၂စီးတောင် တိုက်မိပြီးချိန် ညီမတို့က တံခါးပြန်မပိတ်တာ သိမှ သူရပ်ပါတယ်။ ညီမက ဆင်းလိုက်ချိန် အတူပါတဲ့ သူငယ်ချင်းက သူ့ကို ပြေလည်ရာပြေလည်ကြောင်းပြောပြီး ကားခပေးဖို့ လုပ်ပါတယ်။

နောက်က တိုက်ခံရသူတွေက လိုက်လာပြီး လျော်ခိုင်းတာ သူမောင်းလို့ ထိတာကို နင်တို့လျော်ဆိုပြီး လွှဲချတော့ စကားထပ်များပါတယ် (ညီမ ရဲစခန်းအထိ သွားခဲ့ပါတယ် ရဲတွေကလည်း ဒီလို Caseက ကားသမားမောင်းလို့ ဖြစ်တာမို့ ကားသမားလျော်လို့ ပြောတာပါ)။

သူက ဝူးဝူးဝါးဝါး ပြောဆိုနေလို့ ညီမက ပြန်ပြောပါတယ်။ နောက်ဆုံး မိန်းကလေး ဖြစ်တဲ့ ညီမကို -ိုးပါတယ်။ ညီမသူငယ်ချင်းက ဝင်ကာပေးတာတောင် ယောကျာ်းလေးဖြစ်တဲ့ သူငယ်ချင်းကို မလုပ်ဘဲ ညီမကိုပဲ မဲ-ိုးတာပါ။

အနားက အကိုတွေ ဝိုင်းဆွဲလို့ ညီမ လူကွဲသွားတာပါ။ ဒါကို ညီမ သူငယ်ချင်း လက်ကောက်ဝတ်ကို ဆွဲထားတာ မလွှတ်ပေးပါ။ ဘေးက လူတွေက ဆွဲလားရမ်းလားမလုပ်နဲ့ ဘာညာဆိုမှ လွှတ်ပါတယ်။ ဖိုတိုဂရေးပါတဲ့ မကွဲလွယ်တဲ့ မျက်မှန်က မှန် စိစိညက်ညက် ကြေပါတယ်။ မိန်းကလေးကို အဲ့လောက်အားနဲ့ -ိုးတာပါ။

အနားက ကလေးတွေက လွင့်သွားတဲ့ မျက်မှန်ကို ပြန်ရှာပေးကြပါတယ်။ ညီမက မျက်မှန်မပါ မမြင်ရပါ။ ကလေးတွေကို မှန်တဖက် မမကို ကူရှာပါဦးဆိုတော့ ကလေးတွေက ကွဲနေတဲ့ မှန်တွေပဲ တွေ့ပါတယ်။ သူငယ်ချင်းရဲ့ မျက်မှန်လည်း ကွဲပါတယ် မျက်မှန် ၂ လက် တန်ဖိုးတင် အတော်များပါတယ်။

အခု အမှုဖွင့်ဖို့ ပြင်ထားပါတယ် အရှေ့တည့်တည့်မှာ စမ်းချောင်းစခန်းရှိပေမယ့် ပြဿနာပြီးဖို့ပဲ အာရုံစိုက်နေတော့ စခန်းထဲ ခေါ်ဖို့ သတိမရလိုက်ပါဘူး သတိရတော့ အမှုသွားဖွင့်ပါတယ် စခန်းက ဒဂုံအပိုင်မို့ ဒဂုံကို သွားခိုင်းပါတယ်။

ဒဂုံကို ရောက်တော့ ရဲတွေက ချက်ချင်း ဂိတ်ကို သွားဖမ်းပေးပါတယ်။ သူဂိတ်ထိုးတဲ့ ရွှေဂုံတိုင်ဂိတ်က သူ့မိတ်ဆွေတွေကလည်း ကလိမ်ကကျစ်နဲ့ ဖုံးဖိပြီး သူကားဒီမှာ ဂိတ်မထိုးဘူး မသိဘူးလို့ လိမ်ပေးပါတယ်။ ဒါကြောင့် အဲ့ဂိတ်က တက်စီတွေကို မစီးပါနဲ့။ ရှောင်ကြပါ တခုခုဖြစ်လာရင် ဝိုင်းဖုံးဖိပေးထားတဲ့ အလိုတူအလိုပါတွေပါ။

ပြဿနာဖြစ်ချိန်က ဝင်ကူညီပေးတဲ့ ကားသမားအကိုတွေ၊ လမ်းညွှန်ပေးတဲ့ အမ မြင့်ဇူ၊ စခန်းတွေကို လိုက်ပို့ပေးပြီး ကူညီပေးတဲ့ တက်စီဆရာ အကို၂ယောက်ကို အများကြီး ကျေးဇူးတင်ပါတယ်နော်။

Leave a Reply

Your email address will not be published. Required fields are marked *

x

You cannot copy content of this page