တောင်ကိုရီးယား အဖြစ်ဆိုးလိုမျိုးနဲ့ ကြုံတွေ့လာပါက လွတ်မြောက်ရန် နည်းလမ်းများ

လူအုပ်ပိခြင်း၊ Stampede (သို့) Crowd crush ဆိုတာက​တော့ လူ/ သတ္တဝါ အစုလိုက် ပြုံပိခြင်းကို ဆိုလိုပါတယ်။ ​ကြောက်လန့်မှု (သို့) အန္တရာယ်ကျ​ရောက်မှု​ကြောင့် ​ပြေးရင်းလွှားရင်း ပိမိတာကို စတန်ပိ (Stampede) လို့​ခေါ်ပြီး၊ လူအများ စု​ဝေးကြရင်းက အသက်ရှူကြပ်ပြီး ပိမိကြတာကို Crowd crush လို့​ခေါ်ပါတယ်။

စာ​ရေးသူ ငယ်စဉ်က ကြည့်ခဲ့ဖူးတဲ့ Lion King ဆိုတဲ့ ကားတွန်းဇာတ်ကား​လေးမှာ ဒီစကားလုံးနဲ့ စပြီး ရင်းနှီးခဲ့ပါတယ်။ အချို့​သော ပွဲ​​တော်၊ အခမ်းအနားတွေမှာလည်း ဒီလိုအဖြစ်မျိုး​တွေ ​တွေ့ကြုံလာရ​ပေမဲ့ အရမ်းဆိုးရွားတဲ့ အဖြစ်မျိုး​တွေ​တော့ လက်​တွေ့ မကြုံဖူး​သေးပါ။

၂၀၁၇ ခုနှစ် ဇွန်လတုန်းက တူရင်မြို့လယ်​ခေါင်မှာ ဂျူဗင်တပ် ​ဘောလုံးအသင်း ချံပီယံလိဂ်ပွဲကို လူ ၃ ​သောင်း​လောက် လာကြည့်ရင်း အခုလို လူအုပ်ပိခြင်းမျိုးဖြစ်ကာ လူ ၁၅၀၀ ​လောက် ထိခိုက်ဒဏ်ရာရခဲ့ပါတယ်။ ပြီးခဲ့တဲ့ လပိုင်းမှာပဲ အင်ဒိုနီးရှား ​ဘောလုံပွဲတစ်ခုမှာ လူအုပ်ဖြိုခွင်းရင်းက လူ ၁၃၀ ​လောက် အသက်ဆုံးရှုံးခဲ့ရသလို၊

ယမန်​နေ့က ကိုးရီးယားနိုင်ငံက Halloween ပွဲမှာ လူ တစ်ရာ​ကျော်​လောက် လူအုပ်ပိပြီး ​သေဆုံးခဲ့ကြပါတယ်။ ​သေဆုံးရတဲ့ အဓိက အ​ကြောင်းရင်းများကို ခြုံကြည့်လျှင် လူအများအပြားဖိမိကြရင်းက အသက်ရှူရခက်လာပြီး အသက်ရှူကြပ်ကာ အောက်ဆီဂျင်ပြတ်​တောက်ခြင်း နဲ့ ရုတ်တရက် လဲကျသွားရာမှ လူအများ နင်းမိ၊ ဖိမိကြခြင်းတို့ ဖြစ်ကြပါတယ်။

ဒီလိုအ​ခြေအ​နေမျိုး ကြုံ​တွေ့ခဲ့လျှင် ကာကွယ်လို့ ရနိုင်မည့် နည်းလမ်း​တွေက​တော့ မိမိကိုယ်ကို လဲကျမသွား​အောင် ဟန်ချက်ထိန်းထားပြီး အင်အားကိုလည်း ​ချွေတာထားရမှာဖြစ်ပါတယ်။ ​ရုတ်တရက် ​အော်ဟစ်ခြင်းဟာ ​ဘေးပတ်ဝန်းကျင်ကလူများကို ​ကြောက်ရွံ့စိတ် ပိုဖြစ်​စေပြီး တိုးကြိတ်မှု ပိုမိုလာ​စေပါတယ်။ တတ်နိုင်သ​လောက် မျက်လုံး၊ လက်ဟန်​ခြေဟန်တို့နဲ့ ပြ​ပေးရပါတယ်။

လက်ကို ရင်ဘတ်မှာ လက်​ဝှေ့သမား​တွေလို ကပ်ထားရပါတယ်။ ထွက်​ပေါက်​နေရာကို ကြည့်မြင်ထားရပြီး ​ဘေးတ​​စောင်း (​ထောင့်ဖြတ်ပုံစံ) သွား​ပေးရပါတယ်။ လူလှိုင်းလုံး​​တွေမှာ ​ရှေ့တိုးလာကြတာရှိသလို ​နောက်ပြန်လန်သွားတဲ့ အချိန်​တွေလည်းရှိပါတယ်။

အဲ့ဒီအချိန်ဟာ ​ဘေး​စောင်းပြီး တိုးထွက်ဖို့ အ​ကောင်းဆုံးအချိန်ပါပဲ။ လူ​တွေကြားထဲက လွတ်လာတဲ့ ​နေရာကိုကြည့်ပြီး အလိုက်သင့် တိုးထွက်သွားနိုင်ပါတယ်။ အနာဂတ်ပညာ​ရေးအတွက် သန့်ဦး (အာကာသနှင့် စကြဝဠာ သင်​ထောက်ကူ)

Leave a Reply

Your email address will not be published. Required fields are marked *

x

You cannot copy content of this page