မြန်မာ့မီးရထားဌာနက ရထားလက်မှတ်များကို အီလက်ထရောနစ် လက်မှတ်ဖြင့် ရောင်းချမည်ဟုဆို
မြန်မာ့မီးရထားက ရန်ကုန်မှ ပြည်နယ်နှင့် တိုင်းဒေသကြီးအသီးသီးသို့ ပြေးဆွဲနေသည့် အဝေးပြေးရထားလက်မှတ်များကို e-Ticket စနစ်ဖြင့် ရောင်းချပေးနိုင်ရန်အတွက် စီစဉ်နေကြောင်း သိရပါတယ်။
အဆိုပါ စနစ်ကို ရထားလမ်း အဆင့်မြှင့်တင်မှု ပြီးစီးသည့်နောက်တွင် အကောင်အထည်ဖော်မည် ဖြစ်ပြီး လက်ရှိတွင် ရန်ကုန်-မန္တလေးလမ်းပိုင်း၌ ရန်ကုန်-တောင်ငူအပိုင်းကို အဆင့်မြှင့်တင်ပြီးစီးခါနီး ဖြစ်ပြီး ကျန်ရှိသော အပိုင်းများကို လုပ်ဆောင်သွားရန် ပြင်ဆင်နေကြောင်း သိရပါတယ်။
အီလက်ထရောနစ် လက်မှတ် (e-Ticket) စနစ်ဖြင့် ရထားလက်မှတ်များရောင်းချမှုကို လုပ်ဆောင်ရာတွင် ရန်ကုန်-မန္တလေး ခရီးလမ်းတစ်လျှောက်ရှိ ဘူတာများတွင် Pilot Project အဖြစ် ကနဦးလုပ်ဆောင်သွားမည်ဖြစ်ကြောင်း မြန်မာ့မီးရထားမှ သိရပါတယ်။