စစ်ကိုင်းတိပိဋက ဆရာတော်ရဲ့ အန္တိမဈာပန ပြုလုပ်မယ့် နေရာနဲ့ မြောက်ဦးဆရာတော်ကြီးရဲ့ ဆုတောင်း

ထိုင်းနိုင်ငံ၊ဘန်ကောက်မြို့၌ ရိုးတွင်းချဉ်ဆီ အစားထိုးလဲလှယ်ကုသရန်နှင့်သွေးဖြူဥရောဂါတို့အတွက် ဆေးကုသမှုခံယူနေရသည့် စစ်ကိုင်းတိပိဋကဆရာတော် ဘဒ္ဒန္တအဘိဇာတာလင်္ကာရာဘိဝံသသည် ယနေ့ညနေ ၅ နာရီ ၅၀ မိနစ်က ပျံလွန်တော်မူသွားခဲ့ပြီလို့ မုံရွာမြို့ သဒ္ဒမ္မဇောတိကသုဗောဓာရုံကျောင်းတိုက်မှတိုက်အုပ်ဆရာတော်ထံမှ သိရပါတယ်။

စစ်ကိုင်းတိပိဋကဆရာတော်ကြီးသည် ထိုင်းနိုင် ငံ၊ဘန်ကောက်မြို့ ဆေးရုံကြီး၌ ၂၀၂၁ ခုနှစ်၊ နိုဝင်ဘာ ၁၈ ရက်နေ့မှစတင်တက်ရောက်၍ ဆေးကုသမှုခံယူနေရခြင်း ဖြစ်ပါတယ်။

ဆရာတော်ကြီး၏ ရိုးတွင်းချဉ်ဆီလဲလှယ်မှုပြု လုပ်ရန် ဆရာတော်ကြီး၏ ညီမအရင်းဖြစ်သူ မသိန်းသိန်းဆွေအား ဆေးစစ်ချက်အရ ကိုက်ညီမှုရှိသဖြင့် ၂၀၂၂ ခုနှစ်၊ဇန်နဝါရီ ၁၈ ရက်မှ ၂၀ ရက်အထိ သုံးရက်တိုင် မသိန်းသိန်းဆွေထံမှ တစ်နေ့လျှင် ၄ နာရီနှုန်းဖြင့် ချဉ်ဆီထုတ်ယူခဲ့ပါတယ်။

ရိုးတွင်းချဉ်ဆီ လဲလှယ်ကုသရန် ဆရာတော်ကြီး ၏ကျန်းမာရေးအခြေအနေအရ အားအင်ပြန် လည်ပြည့်ဝလာမည့် အချိန်အားစောင့်ဆိုင်းနေစဉ် ပျံလွန်တော်မူခဲ့ခြင်း ဖြစ်ပါတယ်။

စစ်ကိုင်းတိပိဋကဆရာတော်ကြီးသည် ဝါတော် ၃၄ ဝါ ရှိပြီဖြစ်ကာ မုံရွာမြို့၊ နန္ဒဝံရပ်၊ သဒ္ဒမ္မဇောတိက သုဗောဓာရုံ ကျောင်းတိုက် နာယကနှင့် ရန်ကုန်မြို့၊ သဒ္ဒမ္မမာနိတာရုံကျောင်းတိုက်၏ ပဓာနနာယကဆရာတော်ဖြစ်ပါယ်။

ဆရာ​တော်ရုပ်ကလာပ်အား ပြန်လည်ပင့်​ဆောင်ဖို့စီစဉ် ​နေကြပြီဖြစ်​ကြောင်းနဲ့ မနက်ဖြန်တွင် မန္တ​လေး​လေဆိပ်သို့ ဆိုက်​ရောက်မည်ဖြစ်​ကာ မုံရွာတွင် အန္တိမစျာပန ကျင်းပဖွယ်ရှိ​ကြောင်းလည်းသိရပါတယ်။ တိပိဋက ဆရာ​တော်ကြီး (ကမ္ဘာ​အေး မဟာဂန္ဓာရုံ) ​ဒေါက်တာသုမင်္ဂလ သည်လည်း ယခုလို ရိုးတွင်းချဉ်ဆီ ​ရောဂါခံစားခဲ့သည့် တိုက်ဆိုင်မူ ရှိခဲ့ပါတယ်။

ပျံလွန်တော်မူပြီဖြစ်သည့် စစ်ကိုင်းတိပိဋက ဆရာတော်အတွက် မြောက်ဦးဆရာတော်ကြီး​ရဲ့ ဆုတောင်းကို ဖော်ပြလိုက်ပါတယ်-

တို့ဆုတောင်း မပြည့်ဘူး။ စစ်ကိုင်းတိပိဋကတ် ဆရာတော် ခုညနေ(၆)နာရီခန့်အချိန် ဤလောကကြီးကို စွန့်သွားခဲ့ပါပြီ။

ညီတော်မောင် ကောင်းသောဘုံဘဝမှာ အိုနာသေဝဋ်ဒုက္ခမှ လွတ်မြောက်သော နိဗ္ဗာန်မဂ်ရောက်ကြောင်းတရားတော်တွေကို အားထုတ်နိုင်ပါစေ ဟုသာ ဆုတောင်းလိုက်ရပါသတည်း။အစားထိုးမရသော သူတော်ကောင်းမို့ အလွန်နှမြောမဆုံးဘူး။

Leave a Reply

Your email address will not be published. Required fields are marked *

x

You cannot copy content of this page