အသက် (၁၀၀) ကျော် အမေကို ရေခဲမုန့်ရောင်းပြီး ရှာကျွေးနေတဲ့ အသက် (၈၀) အရွယ် အဘ

အသက် (၁၀၀)ကျော်အမေအိုကို ရေခဲမုန့်ရောင်းပြီး ရှာကျွေးနေတဲ့ အဘဖြစ်ပါတယ်။

ရေခဲမုန့်ပုံးကြီး မနိုင်တနိုင့် ထမ်းပြီး မြေနီကုန်း ခုံးကျော်တံတား တဝိုက်မှာ လိုက်ရောင်းလေ့ ရှိပါတယ်။ အရင် လူအသွားအလာ များတုန်းကတော့ ရောင်းရပေမယ့် အခုလို အချိန်မှာတော့ သိပ်မရောင်း ရဘူးလို့ သိရပါတယ်။

ကိုယ်တိုင်က အသက်အရွယ် ကြီးမြင့်ပြီး ကျန်းမာရေး မကောင်းပေမယ့် သားသမီးဝတ်ကို တရက်မှ မပျက်စေဘဲ အသက် (၁၀၀) ကျော် အရွယ်ရှိတဲ့ အမေ့ကို ပြုစုကျွေးမွေးနေတဲ့ အဘ ဖြစ်ပါတယ်။

လေးစားစရာကောင်းတဲ့ အဘကို မိုးစက်က ၁သိန်းလှူဒါန်းခဲ့ပါတယ်။

အခုလို အရာရာ ကျပ်တည်းလှတဲ့ ခေတ်ကာလကြီးမှာ သက်ကြီးရွယ်အိုတွေကို တတ်နိုင်သမျှ စောင့်ရှောက် လှူဒါန်းကြတဲ့ လူအားလုံး စိတ်ချမ်းသာ ကိုယ်ကျန်းမာပါစေလို့ ဆုမွန်ကောင်း တောင်းလိုက်ပါတယ်။

Leave a Reply

Your email address will not be published. Required fields are marked *

x

You cannot copy content of this page