တသောင်းတန်အတု ပုံစံအသစ် (အတုလုပ်နည်းတွေ မြင့်လာပါပြီ လက်သန့်ဆေးရည်နဲ့ မရတော့ပါဘူး)

တစ်သောင်းတန် အတု ပါ။ တော်တော်ပျံ့နေပြီမှန်းသိပေမယ့် ဒီနေ့မှ လက်ထဲထိ ရောက်လာတာပါ။

ဘဏ်ကိုငွေသွားအပ်ရင်း ဘဏ်က စက်နဲ့စစ်ချလိုက်တဲ့အချိန်မှ ပေါ်လာတာပါ။ ဒါပေမယ့် သိသာပါတယ်။ ရောင်ပြေးအချောင်းလေးမပါပါဘူး(ရောင်ပြေးမဖြစ်ဘူး)။ အတုရဲ့ အဖြူကွက်ထဲမှာ ထောင်ကြည့်ရင် ကြာဖူးမပါဘူး။

ရိုးရိုးကြည့်ရင် ကြာဖူးပါသယောင်ယောင်ထင်ရပေမယ့် အလင်းထဲထောင်ကြည့်ရင် ကြာဖူးမဖြစ်ပါဘူး။ အစစ်နဲ့ကွာပါတယ်။

ဒီ version ကတော့ လက်ဆေးရေနဲ့ဖြန်းတာလည်း အရောင်မကျွတ်ပါဘူး ။ အသိသာဆုံးကတော့ CBMဆိုတဲ့ စာသားမပါပါဘူး။ အစစ်က CBMဘက်ကို လက်နဲ့ပွတ်ကြည့်ရင် ရှရှလေး ဖြစ်ပါတယ်။

အတုက ၁၀၀၀၀ဆိုတဲ့စာသားမှာ ရောင်ပြေးမပါပါဘူး။ စာရွက်သားလည်းရုတ်တရတ်ဆိုအရမ်းမကွာပါဘူး။ သေချာခွဲကြပါနော်။

ဘဏ်မှာ ဒီနေ့တင် အတု ဆယ်ရွက်ပါတာလည်းရှိပါတယ်။ တစ်ရွက်တည်းဆိုရင် သိသာပါတယ် (ခွဲလို့ရနိုင်ပါတယ်) အုပ်ထဲဆိုရင်တော့သေချာစစ်ကြပါ။

Htet Htet Shwe Sin