အခြေခံလူတန်းစားတွေ သက်သာဖို့ နောက်ထပ် အစီအစဉ် တခုလာပြီ (ကြက်ဥ ၃ လုံးကို ၂၀၀ ကျပ်ပါ)

ရန်ကုန် ဒဂုံအရှေ့ ၇/၈ ဂိတ်ဟောင်းလမ်းဆုံ၊ ငထွေးရူးလမ်းမကြီး သူထက်စံ မုန်ဟင်းခါးဆိုင် နေရာမှာ မနေ့က ညနေက စတင် ရောင်းချပေးခဲ့တာ ဖြစ်ပါတယ်။

အ‌ခြေခံလူတန်းစားတွေ သက်သာချောင်ချိရေး ဖြစ်စေဖို့ ကြက်ဥ (၃) လုံး ကို ကျပ် ၂၀၀ နဲ့ အပတ်စဥ် တစ်ပတ် တစ်ရက် ရောင်းချပေးသွားမယ်လို့ စေတနာရှင် ပရဟိတကုသိုလ်တော်အသင်း က သိရပါတယ်။

တပတ်ကို စနေ၊ တနင်္ဂနွေ တရက်ရက်မှာ ရောင်းချပေးမှာ ဖြစ်ကြောင်း၊ ဦးရာလူ စနစ်နဲ့ ရောင်းချမှာ ဖြ်စကြောင်း၊ ကြက်ဥ အလုံး ကိုးရာ လူအယောက် ၃၀၀ စာရောင်းချပေးမှာ ဖြစ်ကြောင်း အသင်းအတွင်းရေးမှူး ကိုဝေဖြိုးအောင်က ပြောပါတယ်။

ကြက်ဥအပြင် အခြေခံလူတန်းစားတွေအတွက် ကျပ် ၂၀၀ တန် ဘဲဥတစ်လုံးသီးစုံပဲကုလားဟင်းကိုပါ ရောင်းချပေးမှာဖြစ်တယ် လို့လည်း ကိုဝေဖြိုးအောင် ကပြောပါတယ်။

အပြင်ဈေးတွေမှာ ကြက်ဥ တလုံးကို အနည်းဆုံး ကျပ် ၁၅၀ ပေးနေရတဲ့ အချိန်မှာ သုံးလုံးကို ၂၀၀ နဲ့ ရောင်းချပေးတဲ့အတွက် အခြေခံလူတန်းစားတွေအနေနဲ့ အဆင်ပြေကြောင်း ပြည်သူတဦးက ပြောပါတယ်။

အခြေခံလူတန်းစားတွေအတွက် ကျပ် (၅၀၀) တန် ထမင်းဆိုင်တွေ ဖွင့်လာသကဲ့သလို့ ယခုလို စားသောက်ကုန်များ၊ လူသုံးကုန်များကိုပါ ဈေးနှုန်းသက်သာစွာနဲ့ ရောင်းချပေးနိုင်ရန် ပိုမို အဆင်ပြေလာမယ်လို့ ပြည်သူတွေက မှတ်ချက်ပြုထားကြပါတယ်။

Leave a Reply

Your email address will not be published. Required fields are marked *

x

You cannot copy content of this page