မြန်မာအာဏာသိမ်း စစ်ခေါင်းဆောင်တွေကို နွားနဲ့ နှိုင်းလိုက်တဲ့ ကမ္ဘောဒီးယားဝန်ကြီးချုပ် ဟွန်ဆန်

နွား​နဲ့ ​အနှိုင်း​ခံရပြီ

ကမ္ဘောဒီယား​ဝန်ကြီးချုပ် ဟွန်​ဆန်က သူတို့နိုင်​ငံက ​တံတားဖွင့်ပွဲတစ်ခုမှာ ​မြန်မာအာဏာသိမ်းစစ်​​ခေါင်း​ဆောင်​တွေကို နွား​နဲ့ခိုင်းနှိုင်းပြီး ဥပမာပေးသွား​ခဲ့ပါတယ်။

စစ်​​ခေါင်း​ဆောင်​တွေဘက်က အာဆီ​ယံဘုံသ​ဘောတူညီချက် (၅) ရပ်ကို ​အ​​ကောင်​အ​ထည်​​ဖော်ဖို့ ငြင်း​ဆန်ပြီး ​​ခေါင်းမာ​နေတာ​​ကြောင့် ​​အာဆီ​ယံ​ရဲ့ တွေ့ဆုံဆွေး​​နွေးရေးလမ်းစဉ် ခရီးမပေါက်ရ​တဲ့​အ​​ကြောင်းကို “နွား​တွေက မဆွဲမှ​​တော့ ထွန်/လှည်းဟာ ဘယ်လိုမှ ​​ရှေ့ကို မ​​ရွေ့နိုင်ဘူး” လို့ ​ပြောသွားတာပါ။

ဟွန်​ဆန်လည်း စိတ်မရှည်​​တော့လို့ အာဏာသိမ်းစစ်​​ခေါင်း​ဆောင်​တွေကို နွား​နဲ့ နှိုင်းပစ်လိုက်ပါပြီ။ “လူမလေး ခွေးမခန့်” ဆို​တဲ့ စကားပုံ ရှိပါတယ်။ ​အကျင့်သိက္ခာ ညံ့ဖျင်း​တဲ့သူ​တွေ၊ ​ပေါ​တော​တော​နဲ့ ​အရူးကွက်နင်း​တဲ့သူ​တွေကို လူ​တွေက မလေးစားရုံမက ခွေး​တွေကပါ မခန့်လေးစားလုပ်တတ်​​ကြောင်းပါ။

ခုလည်း ဒီလိုပါပဲ။ ​နိုင်​ငံတကာက ​​ခေါင်း​ဆောင်​​ကောင်း​တွေက အာဏာသိမ်း​​ခေါင်း​ဆောင်ကို ​အဖက်မလုပ်၊ မလေးစားကြ​တဲ့​အပြင် ဟွန်​ဆန်လို အာဏာရှင်​ဆန်​ဆန်​​ခေါင်း​ဆောင်​​တစ်ယောက်က​​တောင် ခပ်ခွာခွာ​နဲ့ မထီလေးစား​ပြောလာပါပြီ။ ​ပါးပါး​လေး ဖဲ့​နေပါပြီ။

ဒီလိုစကား​သံ​တွေကြား​​တော့ စင်ကာပူ​​ခေါင်း​ဆောင်​​ဟောင်း လီ​ကွမ်ယူး ​ပြော​ခဲ့​တဲ့ စကားလေးကို သွားသတိရမိပါတယ်။ ခု​ခေတ်အာဏာသိမ်း​​ခေါင်း​ဆောင်ကို ​ပြော​ခဲ့တာ မဟုတ်ဘဲ ​အရင်က ​မြန်မာပြည်က အာဏာရှင်​တွေ​အ​​ကြောင်းကို ​အ​မေရိ​ကန်​သံတ​မန်​တွေကို ၂၀၀၇ မှာ ​ပြော​ခဲ့တာပါ။

​မြန်မာစစ်ဗိုလ်ချုပ်ကြီး​တွေဟာ ​​တော်​​တော်တုံး​​ကြောင်း၊ ထုံထိုင်း​​ကြောင်း၊ သူတို့​နဲ့ စကား​ပြောရတာ လူ​သေ​တွေ​နဲ့​ပြောရသလို ​ခံစားရ​​ကြောင်း၊ သူတို့ကို လက်လျှော့ထားလိုက်တာ ကြာပြီဖြစ်​​ကြောင်း ​ပြော​ခဲ့ပါတယ်။

လီ​ကွမ်ယူးများ ခုချိန် သက်ရှိထင်ရှားရှိ​နေသေးရင် ဘယ်လိုများ ပြော​ပြန်လိမ့်မလဲ သိချင်စမ်းလှပါတယ်။ ကျွန်​​တော်တို့နိုင်​ငံဟာ ခေါင်း​ဆောင်ဆိုး​တွေ​​ကြောင့် သိက္ခာ​တွေ ကျဆင်း​ခဲ့ရ​​ပေါင်း များ​ခဲ့ပါပြီ။ နိုင်​ငံတကာ​အလယ် မျက်နှာငယ်ရ​​ပေါင်း များ​ခဲ့ပါပြီ။ မြန်မာနိုင်​​​ငံသားလို့ ​ပြောလိုက်တာ​နဲ့ ​အထင်သေး​တဲ့ မျက်လုံး​တွေ​နဲ့ ​အကြည့်​ခံရ​​ပေါင်းများ​ခဲ့ပါပြီ။

အားလုံး ကိုယ်စိတ်နှစ်ဖြာ ကျန်းမာချမ်းသာကြပါ​စေ ခင်ဗျာ။
လေးစားစွာဖြင့်
ပိုးစုန်းကြူး