မျက်မမြင်များပင် အလွယ်တကူ အသုံးပြုနိုင်မယ့် ထိုင်းဘတ် ၂၀ တန် ငွေစက္ကူအသစ်ကို ထုတ်ဝေမည်

ထိုင်းဘဏ် ( BOT ) က ပိုမိုတာရှည်ခံတဲ့ ပိုလီမာပစ္စည်းနဲ့ ထုတ်လုပ်ထားတဲ့ ဘတ်ငွေ ၂၀ တန် စက္ကူ ဗားရှင်းအသစ်ကို မိတ်ဆက်ပေးခဲ့ပါတယ်။ အဆိုပါ ငွေစက္ကူအသစ်ကို မတ်လမှာစတင်ပြီး အများသူငှာ အသုံးပြုနိုင်အောင် ဖြန့်ချိပေးမှာ ဖြစ်တယ်လို့ သိရပါတယ်။

ငွေစက္ကူအနုတ် အသစ်မှာ လုံခြုံရေးအင်္ဂါရပ်အသစ် ပါဝင်လာမှာဖြစ်ပြီး ဒီဇိုင်းနဲ့ အရောင်တွေဟာ ယခင်ခေတ်အဆက်ဆက်တုန်းက ပုံရိပ်တွေကို ထင်ဟပ်စေမယ့် ရုပ်ပုံတွေ ပါဝင်မှာဖြစ်ပါတယ်။

ဒါ့အပြင် အမြင်အာရုံမကောင်းတဲ့ သူတွေအတွက်ကူညီပေးဖို့ သေးငယ်တဲ့ ဂဏန်းမှာ ငွေစက္ကူ ဘတ် ၂၀ တန်ကို သိသာအောင် ဖောင်းကြွ စာလုံးထွင်းထားမှာ ဖြစ်တယ်လို့ သိရပါတယ်။

ယင်းငွေစက္ကူအသစ်ဟာ သက်တမ်းကို တာရှည်ခံစေမှာဖြစ်ပြီး ပြန်လည်ပုံနှိပ်ဖို့ လိုအပ်မှုကို လျှော့ချ ဖို့ ဖြစ်တယ်လို့ ဘဏ်အုပ်ချုပ်ရေးမှူး က ပြောကြားခဲ့ပါတယ်။

ပိုလီမာ ငွေစက္ကူအသစ်တွေကို ကူးသန်းရောင်းဝယ်ရေးဘဏ်တွေကနေ အဓိက ဖြန့်ဖြူးပေးလျက်ရှိပြီးတော့ လာမယ့် မတ်လ ၂၄ ရက်မှာ စတင်ပြီးတော့ တရားဝင်ရောင်းချပေးမှာ ဖြစ်တယ်လို့ သိရပါတယ်။

ဘန်ကောက်လမ်းညွန်ကိုစိုင်း