ဂျပန်စာ တတ်ရုံနဲ့ ဂျပန်မှာ အလုပ်ကောင်း ရမယ်လို့ အခုထိ ထင်နေတုန်းပဲလား?
လက်တွေ့ကမ္ဘာထဲမှာ…
ဂျပန်မှာ ဂျပန်စာတခုတည်းရရုံနဲ့ အလုပ်ကောင်းမရပါ ဂျပန်က သမိုင်းစဉ်ဆက် စုပေါင်းအားနဲ့လုပ်တဲ့ အလုပ်တွေ သိပ်အားကောင်းပါတယ် အပေါ်အောက် မီးသေတယ် အဲဒါကိုက သူတို့လူမျိုးရဲ့ ယဉ်ကျေးမှုပါ
ကျမအိုင်တီကုမ္ပဏီမှာလုပ်စဉ် မန်နေဂျာက လူသစ်ဝင်သူကို တအားမီးသေပါတယ် ကျမက ခင်သွားတော့ လူငယ်ကိုမေးတယ် နင်ဘာလို့ အဲလောက် သူပြောသမျှ အကုန်နားထောင် လိုက်လုပ်ပေးနေတာတုန်းလို့ တခါတလေ နင့်အစား အသဲယားတယ်လို့
သူပြန်ပြောတဲ့စကားမှာ သူတို့ဂျပန်လူမျိုးရဲ့ အလေ့အထကို လက်တွေ့သဘောပေါက် နားလည်လိုက်ရတယ် သူကရယ်ရင်း ဟာဗျာ အားလုံးထဲမှာ ကျနော့်ကိုဖိခိုင်းတာ ဆူတာ ကျနော့်ကို ဂရုစိုက်ပေး သင်ပေးနေတာပါ ကြည့်စရာရှိလည်း သေချာကာကွယ်စောင့်ရှောက်ပေးပါတယ် ဥပေက္ခာပြုခံရတာမှဆိုးတာ ကျတော့်အတွက် ဂုဏ်ယူဝမ်းသာစရာပါတဲ့
အထက်လူကြီးပေးလာတဲ့တာဝန်ကို ကျေအောင်ထမ်းရတာကို ဝမ်းသာဂုဏ်ယူတာကိုက သူတို့လူမျိုးပုံစံ၊ စည်းစနစ်ကြီးကြီး ပျိုးထောင်တယ် ဆိုတာနဲ့အတူ အဲလိုခေါက်ရိုးထဲမှာ စိတ်ဖိစီးမှုတွေ ထွက်ပေါက်အဖြစ် အနိုင်ကျင့်တဲ့ အလေ့ အိဂျိမဲကလည်း အမြစ်တွယ်နေပါတယ်
ဒါကြောင့် ဂျပန်လုပ်ငန်းခွင်ထဲ နိုင်ငံခြားသားတွေ အလုပ်လုပ်ရတာ စိတ်ရောကိုယ်ပါ ပင်ပန်းတာများပါတယ် ဂျပန်စာက ခဲဂေါလို့ခေါ်တဲ့ ယဉ်ကျေးတဲ့သုံးနှုန်းပုံတွေ တအားခက်သလို ခေါင်းမော့ပြီး မော်ကြွားအလုပ်လုပ်ချင်သူတွေအတွက် အပေါ်အောက် ကိုယ့်လူချင်း တအားဖိတဲ့ ထုံးစံနဲ့ သိပ်အဆင်မပြေပါဘူး
ဂျပန်မှာ အလုပ်လုပ်မယ်ဆို အိုင်တီနယ်ပယ်က အကောင်းဆုံးပါ အဲလိုနယ်ပါယ်ထဲက ဂျပန်အများစုက လူငယ်တွေများသလို လူ့အဖွဲ့စည်းကလည်း ပေါ့ပါးလွတ်လပ်ပါတယ်
ZCL_JapanLife
