နာမည်ကြီး ရွှေဆိုင်ဆိုတိုင်း စိတ်ချယုံကြည်ပြီး မျက်စိမှိတ် မဝယ်သင့်တဲ့ အဖြစ် (ဂရုပြုကြပါဗျာ)
လတ်တလောမှာ နာမည်ကြီး ရွှေဆိုင်ဆိုတိုင်း စိတ်ချယုံကြည်ပြီး ရွှေဝယ်မိမယ်ဆိုရင် ပြဿနာဖြစ်နိုင်တဲ့ အဖြစ်ကို ဖော်ပြပေးလိုက်ပါတယ် ခင်ဗျာ။
အခုခေတ်မှာ နာမည်ကြီးရွှေဆိုင်ဆိုပြီး ယုံလို့မရတော့ဘူး။ ဖြစ်ပုံက ဆိုင်ဝန်ထမ်းတွေက ပုံစံတူ အလေးချိန်တူ ရွှေဆွဲကြိုး လက်ကောက်တွေကို အတုလုပ်လာပြီး ဆိုင်က အစစ်နဲ့ လဲလိုက်တယ်။
ရွှေဝယ်သူက ဒါနာမည်ကြီးဆိုင်ပဲ ပြန်ရောင်းလည်း လွယ်တယ်။ ရွှေရည်မှာလည်း စိတ်ချရတယ်ဆိုတဲ့ ယုံကြည်မှုအပြည့်နဲ့ ဝယ်တယ်။ ဝန်ထမ်းက လဲထားတဲ့ ရွှေတုတွေကို ဝယ်မိလို့ ပြန်လာရောင်းတဲ့အခါမှာ ဝယ်ယူသူတွေဘက်က နစ်နာသွားမှုတွေကို ဘယ်လို ဖြေရှင်းပေးကြမလဲမသိဘူး။
ဆိုင်က အစစ်ကို ရွှေတုနဲ့ လဲတဲ့ ဝန်ထမ်းကြောင့် ဝယ်သွားမိတဲ့ ဖောက်သည်က ငွေလိုလို့ ဆိုင်မှာ ပြန်လာသွင်းတဲ့အခါမှာ ရွှေအတု လာရောင်းတယ်ဆိုပြီး စွပ်စွဲပြောဆိုခံရရင် ရွှေလည်း အလိမ်ခံရ၊ ရွှေဝယ်ယူမိသူက လိမ်ပြီး ရွှေတုလာရောင်းတယ်ဆိုပြီး စွပ်စွဲ အရေးယူခံရရင် ဒါဟာ ကောင်းတဲ့ အဖြစ်မျိုးတော့ မဟုတ်ဘူး။
အခုလို ခေတ်ပျက်ကြီးမှာ ဘယ်သူကိုမှ မယုံရတော့ ရွှေဝယ်ရင်တောင် မှတ်တိုက် ရွှေရည်စစ်ပြီးမှ ဝယ်သင့်တဲ့အဖြစ်ရောက်နေပြီ။ ရွှေဆိုင်တွေမှာ သူခိုးဝန်ထမ်းတွေကြောင့် ရွှေတုတွေ ရောရောင်းမိတဲ့ အဖြစ်က အတော်ရှင်းရခက်မည့် အဖြစ်မျိုးပဲ။ (Aung Kyaw Oo)
