ရန်ကုန်သားတွေ အခုထိ မခွဲခြားတတ်သေးတဲ့ ထပ်တရာနဲ့ ပလာတာ အကြောင်း ရှင်းလင်းချက်

အခေါ်တွေက ရှုပ်လို့ ဒုတ်ထမ်းငြင်းဖို့ ဂျုံနဲ့ လုပ်တာ ပလာတာ၊ ထပ်တရာ၊ ပူရီ(ပူတီ)၊ နံပြား၊ အီကြာကွေး

ထပ်တရာ

ဂျုံကို နှပ်၊ အပြားအကြီးကြီး ဖြစ်အောင်ရိုက်၊ (ဆီသုတ်ရိုက်တာ) ပြီးရင် အပြားကြီးကို ရှည်ရှည်လေး ဖြစ်အောင်လိပ်၊ လိပ်ပြီးသားကို ခွေ၊ ခွေထားတာကိုမှ ပြားပြားလေး ဖြစ်အောင် ထုပြီး ဆီနဲ့ကြော်တော့ အထဲမှာ အထပ်လေးတွေ ဖြစ်သွား၊ အဲဒါ စားတော်ပဲနဲ့စားစား ၊ ပဲဟင်း၊ အာလူးဟင်း၊ ကြက်သားဟင်း၊ ဆိတ်သားဟင်းစတဲ့ ဟင်းတွေနဲ့စားစား အဲဒါ ထပ်တရာ

ပလာတာ

စောစောက ရိုက်တာကို ပြန်မခွေပဲ ပြားလိုက် ဆီနဲ့ကြော်၊ ပြီးရင် ဓားနဲ့ခုတ်၊ စားတော်ပဲနဲ့ဖြစ်ဖြစ် သကြားနဲ့ ဖြစ်ဖြစ်စားတာ ပလာတာ

ရန်ကုန်က အပျင်းထူပြီး စားတော်ပဲကို ချက်ပြီး အဲဒီ ပလာတာထဲ ညှပ်ကြော်တာ ရန်ကုန်ပလာတာ၊ တချို့ကျ အဲဒီ အပြားမှာ ကြက်ဥဖောက်ထည့်ပြီး ကြက်ဥပလာတာ ကြော်တယ်။ အသားတွေ အဆာပလာတွေ ထည့်ကြော်တဲ့ ကီးမားပလာတာလည်း ရှိသေးတယ်။

နံနံခြားမှာတော့ ထပ်တရာလို့ ရှိပုံမရဘူး။ သူတို့ကျ soft layered paratha နဲ့ plain paratha ဆိုပြီး ခွဲတာ တွေ့ဖူးတယ်

ပူရီ

ပလာတာရော၊ ထပ်တရာရော ဒယ်အပြန့်မှာ ဆီနည်းနည်းနဲ့ကြော်တာ၊ ဒယ်အိုးအလုံးမှာ ဂျုံသေးသေးအပြားကို ဆီမြုတ်အောင်ကြော်တော့ ပွတက်ပြီး ဖောင်ဖောင်းအိအိနဲ့ စားရတာ ပူရီ၊ သူကျ ပဲဟင်း၊ အာလူးဟင်း၊ စတာတွေနဲ့စားတယ်

ဂျုံအပြားကိုပဲ ဆီမပါပဲ အိုးပူတိုက်ပြီး ဗာဂျီကြော်ခေါ်တဲ့ ဟင်းနဲ့စားကြသေးတယ်။ အဲဒါကျ ချပါတီ

နံပြားကျ ဆီမပါပဲ ဖိုနဲ့ ဖုတ်တာ၊ အီကြာကွေးက အချောင်းလိုက်ကြော်တာ။

ပလာတာထဲ ပဲထည့် လိပ်ပြီး ဒါးနဲ့ခုတ်၊ အပျင်းစားစားဖို့ လုပ်ပေးတဲ့ ပလာတာလိပ်ခုတ်၊ နံပြားလိပ်ခုတ်တွေလည်း ရှိတယ်။

ဒီပို့စ်က ရန်ကုန်သားတွေဖို့ သတ်သတ်အလင်းပြတာ။ သိသူတွေ ဆက်ငြင်းကြ၊ ပုံတွေက အင်သာနက်က ယူတယ်

သက္ကမိုးညို

Leave a Reply

Your email address will not be published.

x

You cannot copy content of this page