ဈေးထဲမှာ ရောင်းနေကြတဲ့ ငါးရံ့ခြောက် အတုအကြောင်း (အိမ်ရှင်မတွေ အထူးဂရုစိုက်ကြပါ)

ငါးခြောက်ဆိုင်တချို့ ငါးဒိုင်းခြောက်တွေကို ငါးရံ့ခြောက်ဆိုပြီး လိမ်ရောင်းနေပါတယ်။ ယင်းငါးဒိုင်းဟာ အမျိုးသမီးရောဂါဝေဒနာများနှင့် မတည့်ဟု သိရပါတယ်။ အထူးသဖြင့် မီးတွင်းထဲက အမျိုးသမီးတွေ လုံးဝ ရှောင်ရမယ့် ငါးဖြစ်ပါတယ်။

အတုအစစ် ခွဲနိုင်ရန်အထင်ရှားဆုံးက တော့ ငါးဒိုင်းမှာ အမြီးရဲ့ ထောင့်နားမှာ အမဲအဝိုင်းစက်ကြီးပါတယ်။ အဲ့ဒါကို အချို့က ဆေးရောင်တစ်မျိုးသုတ် ဖုံးထားတတ်ပြီး အချို့ကတော့ ချိုးဖဲ့ပစ် လိုက်ကြပါတယ်။

အဲဒီငါးခြောက်တွေမှာအမြီးတွေက ထောင့်လေးတွေချည့် ကပ်ပဲ့နေတာတွေ့ရပြီး ပဲ့တဲ့နေရာတွေကလည်းအကုန် အတူတူ ဖြစ်နေပါက တန်ဖိုးမရှိတဲ့ ငါးဒိုင်းတွေကို တန်ဖိုးမြင့်တဲ့ ငါးရံ့ခြောက်အဖြစ် လိမ်ရောင်းခြင်းဖြစ်ပါတယ်။

ဝိသမလောဘသားတွေကတော့ ပိုက်ဆံကို နည်းမျိုးစုံနဲ့ ရှာဖွေနေကြရာမှာ တခြားသူတွေ ဘာဖြစ်ဖြစ် ဂရုမစိုက်ဘဲ အတုတွေ အရောအနှောတွေ လုပ်နေကြပါတယ်။

တတ်သိနားလည်သူတွေ ပြောပြမှသာ အခုလိုမျိုး အဖြစ်မှန်ကို သိရတာ ဖြစ်ပါတယ်။ ပြည်သူတွေ သိရှိရအောင် ပြန်လည်မျှဝေပေးကြပါဦးဗျာ။

Leave a Reply

Your email address will not be published.

x

You cannot copy content of this page