ကားတစီးနဲ့ ရန်ကုန်မြို့ပတ်ပြီး ဖုန်းတွေ လိုက်ခိုးနေတဲ့ မိန်းမ အလစ်သုတ်အဖွဲ့ (အိမ်ဆိုင်တွေ ဂရုစိုက်ကြပါ)

ပုံမှာ မြင်ရတဲ့ မိန်းမ ၃ ယောက်နဲ့ ပရိုဘောက်တက်စီကားထဲမှာ မိန်းမ တယောက်တို့က လူနည်းတဲ့ အိမ်ဆိုင်တွေကို အဓိက ထားပြီး အလစ်သုတ်မှုတွေ ပြုလုပ်နေတယ်လို့ သိရပါတယ်။

ရန်ကုန် တောင်ဒဂုံ၊ မြောက်ဒဂုံလိုမျိုး မြို့နယ်တွေရဲ့ အိမ်ဆိုင်တွေ အထူး ဂရုစိုက်ကြပါ။

ဆိုင်ထဲကို လူတွေ အများကြီး ရုတ်တရက် ဝင်လာပြီး ဟိုမေးဒီမေးနဲ့ ဆိုင်ရှင် အာရုံများနေတဲ့ အချိန်မှာ အလွယ်ထားတဲ့ ပိုက်ဆံအိတ်၊ ဖုန်း၊ ဖုန်းငွေဖြည့်ကတ်နဲ့ အခြား တန်ဖိုးရှိ ပစ္စည်းတွေကို တွေ့သမျှ အလစ်သုတ်တဲ့ အဖွဲ့ပါ။

ဖုန်းအလစ်သုတ်ခံလိုက်ရတဲ့ ဆိုင်ပိုင်ရှင်ရဲ့ ရေးသားချက်ကို အောက်မှာ ဖော်ပြပေးလိုက်ပါတယ်-

ကျွန်တော့်ဖုန်း မြောက်ဒဂုံကဆိုင်မှာ အခိုးခံရပါတယ်။ သူတို့မြင်ရင် သတိထားနိုင်အောင်ပါ။

ပရိုဘောက်တက်စီကို အမျိုးသမီးတယောက်က မောင်းလာပြီး ကျန် ၃ ယောက်က ဆင်းလာကာ စျေးဝယ်သလိုနဲ့ ဖုန်းခိုးသွားတာပါ။

အိမ်ဆိုင်ဖွင့်ထားသူများ၊ စတိုးဆိုင်မှာ တယောက်ထဲ ထိုင်သူများ အထူးဂရုစိုက်ကြပါလို့ တိုက်တွန်း လိုက်ရပါတယ်ခင်ဗျာ။

Leave a Reply

Your email address will not be published.

x

You cannot copy content of this page