သင်ဇာဝင့်ကျော် ထောင် (၅) နှစ် ကျသွားတဲ့ အီလက်ထရောနစ်ပုဒ်မ ၃၃(က) အကြောင်း

ပုရိသတို့ အသည်းစွဲ သင်ဇာဝင့်ကျော်ကို ဒီဇင်ဘာ ၂၃ ရက်မှာ ရန်ကုန်အင်းစိန်ထောင်တွင်းတရားရုံး၊ မရမ်းကုန်းမြို့နယ်တရားခွင်ကနေ ထောင်ဒဏ် ၅ နှစ် ချမှတ်ခဲ့တယ်လို့ တရားရုံးနဲ့ နီးစပ်တဲ့ သတင်းရင်းမြစ်ကနေ သိရပါတယ်။

ပြီးခဲ့တဲ့ သြဂုတ်လတုန်းက သရုပ်ဆောင်သင်ဇာဝင့်ကျော်နဲ့ မော်ဒယ်နန်းမွေစံတို့ကို ကာယိန္ဒြေပျက်ပြားစေတဲ့ အဖော်အချွတ်ဓာတ်ပုံတွေနဲ့ ဗွီဒီယိုတွေကို လူမှုကွန်ရက်မှာ အခကြေး ငွေရယူကာ ဖြန့်ဝေတယ်ဆိုတဲ့ စွပ်စွဲချက်နဲ့ စစ်ကောင်စီက အီလက်ထရောနစ်ပုဒ်မ ၃၃(က) နဲ့ တရားစွဲဆိုထားတာပါ။

“သင်ဇာ့ကျန်းမာရေးကောင်းပါတယ်။ ပြုံးပြုံးလေးပဲတွေ့ရတယ်။ သူများတွေလွတ်ပြီး ပြန်ကြတော့ ပြန်ချင်တဲ့စိတ်တော့ဖြစ်နိုင်တာပေါ့။ ဒါပေမဲ့ သူစိတ်ဓာတ်အရမ်းခိုင်မာပါတယ်။ ရင်ဆိုင်ရဲတဲ့ စိတ်ကိုတွေ့ရတယ်” လို့ နီးစပ်သူတစ်ဦးကပြောပါတယ်။

သင်ဇာဝင့်ကျော်နဲ့ အတူတစ်ရက်တည်း ဖမ်းဆီးခံလိုက်ရတဲ့ မော်ဒယ်နန်းမွေစံကတော့ စစ်အုပ်ချုပ်ရေးနယ်မြေဖြစ်တဲ့ မြောက်ဒဂုံမြို့နယ်အတွင်းမှာ ဖမ်းဆီးခံလိုက်ရပြီးစစ်ခုံရုံးက ထောင်ဒဏ် ၇ နှစ် ချမှတ်ထားတာ ဖြစ်ပါတယ်။

သင်ဇာဝင့်ကျော် ထောင် (၅) နှစ်ကျသွားတဲ့ အီလက်ထရောနစ် ပုဒ်မ (၃၃) အကြောင်းကို အားလုံး သိအောင် ဖော်ပြပေးလိုက်ပါတယ်။

၃၃။ မည်သူမဆို အီလက်ထရောနစ်ဆက်သွယ်ဆောင်ရွက်ရေး နည်းပညာကို အသုံးပြု၍ အောက်ပါ ပြုလုပ်မှု တစ်ရပ်ရပ်ကို ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူအား ထောင်ဒဏ်အနည်းဆုံး ၅ နှစ်မှ အများဆုံး ၇နှစ်အထိ ချမှတ်ရမည့် အပြင် ငွေဒဏ်လည်း ချမှတ်နိုင်သည်-

(က) နိုင်ငံတော်၏ လုံခြုံရေး၊ တရားဥပဒေစိုးမိုးရေးနှင့် နယ်မြေအေးချမ်းသာယာရေး၊ တိုင်းရင်းသား စည်းလုံး ညီညွတ်ရေး၊ နိုင်ငံတော်၏ စီးပွားရေး သို့မဟုတ် အမျိုးသားယဉ်ကျေးမှုကို ထိခိုက်စေသည့် ပြုလုပ်မှု တစ်ရပ်ရပ်ကို ပြုလုပ်ခြင်း။

Leave a Reply

Your email address will not be published. Required fields are marked *

x

You cannot copy content of this page